حامل بالاسبوع الخامس، ولسه ماظهر كيس الحمل، سافرت من ٣ ايام وضلينا بالطريق تقريبا ٩ ساعات السفر بالسيارة كان طبعا، حكتلي الدكتورة انو عادي مابصير شي ولكن كل ساعتين لازم اخد استراحة وانزل امشي ١٠ دقايق، بس مع هيك بنفس اليوم يلي وصلت فيه بعد بتقرييا ٤ ساعات بلش معي تبقيع، العفو يطلع بقع لونها بنية، وبس لما ادخل الحمام وامسح بالمحرمة يبين، رحت ع المشفى تاني يوم عملولي تحليل هرمون الحمل، اخر مرة قبل السفر لما عملته كانت نسبته ٨٧٠ تقريبا، بعد السفر والتبقيع عملته نزلت النسبة لل ٣٧٣، ولكن كان بمشفى تاني التحليل ، والدكتورة قالتلي هاد حمل غير سليم ويعد اجهضتي ولكن للتأكد تعالي بعد يومين نعيد التحليل. ياترى ماممكن يكون سبب انخفاض النسبة هو تغيير المختبر؟ + انو انا لحد الان عندي افرازات بنية بسييييطة ولكن ماتحولت ابدا لافرازات حمرة او دم ، وكمان مافي عندي مغص ابدا، فهل ياترى هاد يعد اجهاض ولا لا؟ طمنوني الله يجزيكم الخير