بنات انا اسكن مع اهل زوجي في شقه منفصله ولها باب خارجي لكن في نفس البيت عندهم عاملتين وفي البيت ( ام زوجي وحده من بناتها بالجامعة وثانيه متزوجه وعندها اطفال وتقريبا منفصله عن زوجها وساكنه عند امها ) الشاهد انا موظفه وعندي طفلين وحامل واذا نزل راتبي تقضيت للبيت وللعلم راتبي جدا قليل ومخصصته لاكل البيت او للاحتياجات الضروريه .. ارجع من دوامي هلكانه اطبخ واذا رجعوا اطفالي من المدرسة تغدينا وحطيت صحن اضافي لزوجي اذا رجع من عمله ياكل الشاهد هو طلب مني اطبخ لامه بشكل يومي وامه عندها ضغط وسكر واكلها فيه توصيات معينه ممنوع ماجي ممنوع طماطم ممنوع ليمون ممنوع ملح وامور كثير لازم تتوفر بالاكل وبعضها لازم ما اضيفها للاكل يعني مو بعطيها من غدانا وانتهينا .. الشاهد اني رفضت وقلت بالويكند من عيوني اطبخ لها لكن ايام الاسبوع خواتك موجودين وعاملتين ثنتين خلهم يطبخون لها .. انا حامل ويا دوبك اطبخ لعيالي ولنفسي بنات احس اني تضايقت من كلامي لكن ما اقدر اضغط نفسي اكثر من كذا دوام واطفال ومدارس وشغل بيت وحمل والله تعبت احتاج من يطبخ لي او يساعدني مو يزيد همي