احتاج مواساه ابي افضفض

احتاج مواساه ابي افضفض 7amal /templates/dist/assets/img/logo.png
انا ولدت الحمدلله لي عشر ايام، لكن صار معي شي تعب نفسيتي ومخليني في حالة بكاء رغم اني احاول اتعوذ من الشيطان وارضى باللي الله كتبه لكن الإنسان ضعيف الا ماتمر على هاللحظات مثل الحين اكتب وانا شبعانه بكي، جبت بنت وتعبت بولادتها طلعت روحي يالله ولدت لكن الصدمه اللي صارت ان دكتور الأطفال كان يتكلم مع اللي عنده وهم جنبنا بيني وبينهم ستار (والدكتوره قاعده تخيط فيني ومتخيلين الألم) وطول يتكلم وجاء دكتور ثاني واسمعهم وفهمت بعض من كلامهم طبعا بالانقليزي يقول لهم لا تعلمون امها وبعدو يسألون عن زوجي احد معك قلت وش فيه يادكتور البنت وش فيها قال البنت ملامحها شويه غريبه قلت وشلون يعني ماني فاهمه عليه قلت يعني فيها مرض قال ايه شاكين بعدين عطوني اياها وانا لسى بكرسي الولاده منهاره بكي اشوفها طبيعيه وماني فاهمه وش فيها واكلم زوجي وامي وانا ابكي وحالتي حاله بعدين اخذوها مني للحضانه وبعدها للعنايه قالو تنفسها فيه مشكله بعدين طلع عندها عيب خلقي في القلب وقالو شاكين انها متلازمة داون ويعلمون لها التحليل الجيني، والله قلبي يتقطع عليها وكل يوم اقوم احس بصدري كانه شي منتزع منه مهما حاولت اشغل نفسي، على أنه عندي قبلها ثلاث الحمدلله طبيعين فماني عارفه كيف صار الأمر ووش السبب، وطول حملي فيها والمراجعات ماقالو انهم شاكين ولا شي وهذا اللي كان مسبب لي الصدمه، انا بالنفاس بدون بنتي احس ماال اي شي طعم كل يوم اقوم اقول ان شاءالله اليوم تطلع وتصير احسن ولو كانت من متلازمه داون ان شاءالله تكون خفيفه انا راضيه اهم شي تكون بحضني💔الدكتور يقول بتبقى في الحضانه لين يتحسن التنفس عندها ورفعو تقرير عن مشكله قلبها يشوفه اخصائي