أنا حامل بالشهر التاسع، وبصراحة مصدومة من زوجي. زوجي الحمد لله قادر مادياً، يعني يقدر يأمن لي أحسن دكتورة وأحسن مستشفى، بس المشكلة إنه دايم يدور لي على الأرخص، وما بعرف ليش. من أول حملي وهو ما كان يحب يوديني عند دكتورات معروفات أو عندهم سمعة، ويصر إني أراجع بأماكن أرخص. بحملي الأول كنت أبي أولد قيصري، وكنت أترجاه، وهو رافض تمامًا. ظل يقول لا، وخلاني لين جاني الطلق، وبالنهاية ولدت طبيعي. قلت الحمد لله هذا أمر الله. بس اللي صار بالولادة ما أنساه طول عمري. ولدني بمستشفى مستواه متدني، مع إنه كان يقدر يولدني بأحسن مستشفى. والدكتورة كانت تعاملها سيئ، وحتى بنتي هبدتها وقت الولادة، وانضرب راسها، وصار لها انتفاخ وتكلس، وللحين آثاره موجودة. وبعدها صرت أتنقل من دكتور لدكتور عشان أطمن على بنتي، وأنا نفسيتي كانت منهارة. من يومها صار عندي فوبيا من الولادة الطبيعية، وصرت أكرهها بشكل مو طبيعي. ولما حملت هالمرة، قلت له من البداية: تكفى، أنا ما أبي طبيعي، أبي قيصري. قال لي: “مو على كيفك، بتولدين طبيعي.” اللي يقهر أكثر إنه مو لأنه ما يقدر، لا والله يقدر. بس ليش دايم يختار الأرخص؟ ليش يوديني أماكن مستواها أقل وهو يقدر يوفر لي الأفضل؟ والله مو قادرة أفهمه. يا جماعة، بالله فهموني… ليش رجل يسوي كذا بزوجته وهو قادر يوفر لها أفضل رعاية، ومع هذا يختار الأرخص بكل شيء يخصني ويخص حملي وولادتي