السلام عليكم ورحمة الله وبركاته راح اطول عليكم بمشكلتي لكن امانه إلي عندها حل بالله لا تبخل بطرحه لأني حاولت بأكثر من طريقة ولا فيه نتيجة .. ابني البكر الله يحفظه عمره ٩ سنوات ولما حملت عليه كان صغير عمره ٦ شهور .. ولدت وصار عمره سنة و٣ اشهر.. صار عنيف ودائما يضرب اخوه من وهو رضيع وحاولت أعلمه كيف يكون حنون عليه مع اني من كنت حامل بأخوه كان يجي ويبوس بطني ويقول بيبي ومن هالقبيل .. الآن ما انكر انه قريب جدا من اخوه ولله الحمد بحكم عمرهم قريب من بعض لكن كثير من الأحيان احس انه يغار أو انه يبي كل الاهتمام والحب له مع اني والله مو مقصره معاه بشي ولا افرق بينه وبين إخوانه بالعكس احيانا لو مشوار سريع هو الي يروح معاي واعتمد عليه ببعض الأمور .. والحمدلله خف من موضوع الضرب بس يهاوش بالصوت ويتعصب احيان وكثير العناد ،، حملت بعد ولادتي الثانية ب٤ سنوات تقريبا والحمدلله كانو متحمسين جدا ودائما يلعبون مع البيبي ولما كبر الحين ابني الصغير صار ٤ سنوات، صارو يتهاوشون معاه احيانا ويغارون منه 🥲😂 بس الغيره أكثرها من الكبير واكيد يلعبون معاه ويحبونه لكن فارق العمر بينه وبينهم يقولون العابنا مختلفه عنه (مو على جوهم) ويكركب اغراضنا .. وصار ولدي الكبير يستغل الفرصة اذا ماكنا بالغرفة وقت نومه يجي ينام عندنا وكثير احيان يقول لي ماما بس بجلس هنا ماراح انام وبعدها القاه نايم انا احس انه يبي حنان لكن ماني مقصره عليه بالحنيه لاهو ولا إخوانه عجزت كيف اتصرف ووش الحل الأنسب وكيف اخليه مايغار من إخوانه باستمرار مع انه هو شخصيته قويه ويبي يفرض كلمته على إخوانه حتى باللعب ودايم يتحايل عليهم عشان ياخذ الي يبيه لو يسمعون كلامه 😅💔 امانه كيف اتعامل مع هالمواقف