هاد ثاني منام شفت اني بمدرسة بغير مكان يلي عايشة فيك وكأنني بسوريا وكانت المدرسة ببدايتها ورن جرص الفرصة وطلعت اتمشى بشوارع قريبة على المدرسة وكان في كتير اشجار فواكه بس لفت نظري دوالي العنب طريق فيه دوالي عنب من الطرفين وحامل عنب أخضر يعني حصرم لساتو مامستوي قلت ياربي كيف هاد حامل ماموسمو هلق لساتنا بالشتاء واشتهيت اقطف منو بس قلت حرام مابصير لان كان طالع من بيوت الناس من فوق الحائط وممدود على الشارع من الطرفين
حدا بيعرف التفسير ؟
العضوة: 1425626 , 1 year ago
وهاد اول منام للعنب شفت اني جبت عدة غصون من دالية العنب فيهم براعم وغرستهم جنب بعض بمساحة نصف متر من التربة وجدتي المتوفية كانت بتتفرج كيف بزرع واول ماخلصت بلشت عملية النمو قدام عيوني الأغصان الصغار طولهم شبرين بلشو يطلعو أوراق خضراء وثمار صغيرة وبلشت تكبر ثمار العنب وعمي شافهم وأصر علي اني اسقيهم حليب بدل الماء قال بيكبرو بسرعة وبكونو اكوس انا قلت بعقلي ماضل غير علبة حليب وحدة بشربها لأبني الصغير بدل ماشربها لشجر العنب جبت وسقيتهم نصف علبة الحليب وخليت النصف الثاني لابني الصغير بس شفت على وجه عمي اني غير راضي بده ياني اسقيها كلها للعنب بس ماهتميت وبعد شوي العنب كبر اكتر وبلش ياخذ لون بين الأصفر والأحمر ...........................