4 years ago
  • المرحلة الأولى ( اول 3 اشهر)
هل طبيعي المغص والامساك والاسهال اكرمكم الله مع الشهر الثاني بالحمل؟ وآلام اسفل الظهر ايضًا اللي تتكرر بشكل متفرق بعد جلسة طويلة او وقفة طويلة؟ أول حمل لي الله يتممه وموسوسة شوي لأن نظفت البيت والمكنسة ثقيلة وأنبني ضميري خفت ان التنظيف السبب.

9 تعليقات

العضوة: 1200876 , 4 years ago

اي عادي انا زيك تطمني بس لعد تشيلي اشياء ثقيله وارتاحي

العضوة: 1170857 , 4 years ago

الم الظهر والبطن اللي نفس الدوره اول شهرين طبيعي انا ماخف مني الا بنص الثالث كنت من اتحرك حتى لدورة المياه يألمني ظهري مااقدر لازم انسدح 😩الحمدلله ع نص الثالث كل هذا راح

العضوة: 1229741 , 4 years ago

@user-1200876 الله يجزاك خير طمنتيني، ربي يتمم لنا ولك على خير 3>

العضوة: 1229741 , 4 years ago

@user-1170857 أنا خفت لأنو صراحة نظفت بذمة وضمير ومسحت الارض بقوة، وبعدها كذا جاني ألم الظهر هذا وشوي بدأ المغص والاسهال والامساك وأنتي بكرامة، لذلك شلت هم كان يعورني ويخف ويجي ألم الظهر، الله يتمم لي ولك على خير 3>

العضوة: 1170857 , 4 years ago

المفروض اول شهرين تكونين مرتاحه ماتنظفين كذا انا الحين بالرابع وللحين امي ماتخليني اتحرك 😫 بس اذا بشقتي اطبخ يوم وباقي الايام ندبر الاكل بس حدي تغسيل مواعين واحاول ماتتراكم علي والتنظيف بوقته مااخلي المكان ينحاس علي عشان ماانظف كثير

العضوة: 1170857 , 4 years ago

بس ماعليك انا قبل اعرف اني حامل بيومين منظفه شقتي مثلك ماسحه الارض والثلاجه والفرن وشايله كراتين ماي وكراتين تمر 🤪😂ويوم ثاني تعبت واروح احلل واطلع حامل بس يييوه يالألم اللي جاني ع طول الدكتوره وصفت لي مثبتات😅

العضوة: 1229741 , 4 years ago

@user-1170857 الله يحفظ لك اميمتك، هههههه ايه اعتقد لو اني اني عند امي كان هاوشتني على طول يكفي هواشها بالجوال لما عرفت، بس احيانًا تحسين بالحوسه خصوصًا إذا حتى زوجك ضغط دوامه ما يخليه يقدر يساعد بشغل البيت كثير وتستحين تضغطينه زيادة

العضوة: 1229741 , 4 years ago

@user-1170857 واو !! لا والله علطانه الله يصلحك الكراتين ذي مفروض ما تقربينها حتى لو منتي حامل، زوجك الله لا يهينه يشيلهم. والا إذا مرة اضطريتي افتحي الكرتون وخذي منه حبة حبة لاعاد تشلين مثل هالاشياء عشان اثارها ما تتعبك بعدين مع العمر