بنات ابغى رايكم في موقف صار لي كنت جالسة مع بنات خالتي في أمان الله، وفجأة وحدة قالت لي: « مادري ليش، بس أحس يا عليك الدورة يا إنك حامل» وأنا من الإحراج قمت أقول: «يعني إني قافطة وكذا؟» وقلت لها: «ليش لا، كل شيء وارد» بعدها الثانية قالت: «أنا إذا حملت عادي عندي، بعد يومين أقول للناس». وقاموا يتوقعون ولد ولا بنت ويقولون «أنا خالة البيبي» ومره انحطيت في الامر الواقع اللي زعلني مو إنهم عرفوا، بالعكس أنا أصلًا ما كنت مخبية الموضوع، واللي كان مضايقني إن طريقة السؤال نفسها حسيت إنها حطتني في موقف وكأن لازم أجاوب وأعلن شيء أنا ما كنت ناوية أقوله في ذاك الوقت. خصوصًا إني أصلًا ما كملت 14 أسبوع، فحتى لو كنت حامل، مو غريب أبدًا إني ما أقول للكل من البداية. كان ممكن ينتظرون أسبوع أو أسبوعين، وبيسمعون الخبر أصلًا من أهلي وأكثر شيء خلاني أفكر بالموضوع إني حسيت إن السؤال كان مقصود ومخطط له، مو مجرد سؤال عابر، ويمكن عشان كذا للحين كل ما أتذكر الموقف أزعل 😭 فـ سؤالي لكم: أنتم كيف تشوفون الموضوع؟ هل عادي تسألون وحدة بشكل مباشر «أنتِ حامل؟» خصوصًا إذا ما قالت شيء؟ ولا تشوفون إن الأفضل ننتظر لين هي بنفسها تفتح الموضوع