1 year ago
  • ما قبل الحمل
بنات الله يسعدكم كيف ارجع طبيعية او على الاقل اغلب وقتي انا كل يوم اخاف اكثر من اللي قبله واحس بشعور مزعج وضيقة صدر طول الوقت وماعاد احس بمتعة بأي شي وطول وقتي متنكده هالشي اثر على بيتي وعيالي من دخلت الثامن وانا تعبانة ومضغوطة بنتي بدت دوام اليوم اول سنة لها دراسة واحس بتأنيب ضمير تقول ليش ماتروحين معاي كل البنات جايين معاهم امهاتهم وانا مره تعبانه ومو قادرة انا بالاسبوع ٣٤ وخايفه من الولادة كثير ويجيني تأنيب ضمير كيف بترك عيالي واروح اولد ماكانت هالمشاعر تحيني بحملاتي السابقة هالمرة غير تعبت مرة ومو قادرة اسيطر على نفسي الوساويس ذبحتني لانوم زي العالم وحتى الاكل ما اشتهيه ودي بس اولد وارتاح وبنفس الوقت كل ماقربت ولادتي اخاف وابكي حتى اغراض ماجهزت شي والله مالي نفس اسوي اي شي طمنوني مين عندها زي حالتي احس اني بموت بوقت ولادتي وابكي ارحم عيالي 😭

7 تعليقات

العضوة: 506668 , 1 year ago

م ادري شفتي منشوري او لا والله اني كنت مثلك ويمكن اسوء قبل كم يوم بالضبط بقولها لك وابيك تركزين تكفييين لاني انا من الخوف م كنت اركز واي شي يقولونه لي احسه تافهه ومحد فاهم علي بس والله اني بفضل ربي الحين احسن بكثييير الحمدالله اول شي احسني الظن بالله عمرك تتخيلين اشياء تصير وهي ف علم الله ابدا دايم احسني الظن بالله وركزي ع ايه فما ظنكم برب العالمين والله ربي ارحم فيك من امك وماراح يخليك ورح يحميك وهو اقرب اليك من حبل الوريد نصيحه ادخلي يوتيوب واكتبي كيف اتخلص من الشعور بالحزن والضيق والاكتئاب حتطلع فديوهات كثييير تفيدك بعد الله بس انتي اعزمي وادعي كثييير الله لطيف سميع رحيم ورددي دايم سورة الناس وان شاءالله راح تزين حياتك اكثر من اول

العضوة: 1097653 , 1 year ago

حبيبتي الله يسعدك يارب ارجع طبيعيه وما اخاف والله احس مو هذي انا كأني مكتومه من الضيقة واجلس ادور ببيتي ما اعرف وش اسوي ودي بس اطلع من اللي انا فيه اعوذ بالله يارب تهونها علينا وتفرجها من عندك

العضوة: 506668 , 1 year ago

ايه انا كنت كذا وابي زوجي ع طول معي وما ابي ينشغل عني والله اني جننته بس الحمدالله جلست معى نفسي وش المخيف م لقيت شي مخيف حقيقه غير الاوهام الي براسي النجوى من الشيطان ليحزن الذين امنو اعرفي انه مجرد وساوس وقلق وكله من الشيطان دايم استعيذي منه واقري سورة البقره كل يوم جزئيها من الفجر لحتى المغرب معى كل صلاه جزء وكل شي بخييير اتطمني وطمني قلبك

العضوة: 1097653 , 1 year ago

jooryالله يفرج عليك يارب ويسعدك ويهونها عليك وعلي وعلى جميع الحوامل شكراً لكلامك الطيب ♥️ باذن الله كلها اسابيع ونخلص هانت لكن اعتقد اللي فيني هرمونات لان مو هذي انا وحتى نفسي مستغربة الشي اللي صار فيني تخيلي حتى مراجعات ماعاذ ضرت اروح جاني وسواس وخوف انهم يقولون لي شي تعبت تعبت مو عارفه وش فيني مع ان الحمد لله كل شي تمام والجنين يتحرك بس جسمي تعبان يمكن من الشي النفسي البي فيني

العضوة: 1097653 , 1 year ago

ايه اعتقد انه قولون لان القولون يتهيج مع النفسية وانا مو قادرة اسيطر على نفسي والله العظيم تجيني افكار غريبة واتعوذ من الشيطان والله مو هذي انا احس انه شخص ثاني كل ماشفت احد يتجهز لولادته وفرحان اقول كيف فرحانين ليش انا مو زيهم ما اعرف وش جاني فجأة بنص السابع جتني هالافكار كنت طبيعيه وحتى كنت اقول قبل ادخل الثامن ببدا اجهز وكنت ايحث وادور فجأة الشغف عندي راح والان بنصف الثامن ولا سويت ولا شي ولا شريت شي ولا عاد لي نفس شي بس ابي اولد وارجع لعيالي

العضوة: 2099143 , 1 year ago

حللي فيتامين دال وحديد ومخزون حديد وب١٢ هذي اغلب شي نقصها تاثر على النفسيه مرررره وبالحمل يزيد الوضع اذا كل شي طبيعي عندك قولي للدكتوره ايش تنصحيني اسوي اكيد عندها خبره بهذي الحالات

العضوة: 2042656 , 1 year ago

محتاجة شي يشغلك شوفي هواية معينة او مشروع ، خذي راحة ساعتين او ساعة كل يوم بدون اولاد بدون مسؤليات وسوي اي شي خاطرك فيه ابعدي انشاءالله تتمشي فحديقه ، دقي على صديقاتك اختلطي مع الناس, سوي فحوصات فيتامين دي وبي ، قوي ايمانك بالله كل الي انتي فيه الحين فترة بسيطه وبتعدي