اكتئاب وقلق ما بعد الولادة !! مهم !!!

ما كنت اعرف شو يعني اكتئاب وقلق ما بعد الولادة لحتى جربت
انا ولدت ب ١٣ /٦ وكانت الامور تمام
كنت فكر اكتئاب ما بعد الولادة الشي الكلاسيكي اللي الكل يحكي عنه
تبكي وتتضايقي و تعتلي هم البيبي بشكل طبيعي وهيك
بس لما جربت قلق ما بعد الولادة وحسيت حالي عم انتهي بدوامة سوداء فهمت شو هو القلق والاكتئاب صح.

بلش الموضوع كنت مسافرة بنهاية الاسبوع ع مدينة قريبة تبعد ٣ ساعات بالسيارة
وقتها حسيت حالي كتير مضايقة وخايفة
خلال الاسبوع اللي بعده خفت شهيتي وكنت ضل متوترة ومضايقة.
بعد اسبوع اتطور الموضوع جدا وصرت كتير خايفة وموترة زبطلت اقدر اعمل اي شي .
خسرت ٥ كيلو ب اسبوع
وصار تجيني نوبات هلع
وانا ما اعرف شو عم يصير

صرت خاف اجلس بالبيت وخاف اطلع حس بدي موت
لحتى اكتشفت انو عم عاني من قلق ما بعد الولادة اللي بحياتي ما كنت سامعة فيه بسبب قلة التوعية عن الصحة النفسية بمجتمعنا
بلشت اخد ادوية وبلشت شزف معالجة نفسية والحمد لله كتير تحسنت
انا بس حابة احكي كل وحدة عم تعاني انو منها لحالها وهالشي رح يقطع
واللي بتحب تحكيني عن هالموضوع اكتر فيها تبعتلي رسالة عالانستغرام اسمي : inaamfawzi