بنات نفسي افضفض لحدا غريب انا كثير تعبت نفسيا وغير التعب الجسدي هاد موضوع ثاني بس المشاكل هلكتني يا بنات مش ملاقية تقدير ولا اهتمام ولا اشي بحس كل من حولي بكرهني وما حد حاول يفهمني نفسي يعرفوا قديش انا بسيطة وما بحب المشاكل
طيب يا بنات مش من حقي ازعل او ما تهون علي نفسي لما تصير مشاكل كثيرة مع اهل زوجي واوصل لمرحلة انه مش قادرة التقي فيهم ابدا يا بنات والله مريت بظروف صعبة جدا بسببهم و سمعت كلام صعب وما حد اهتم بزعلي ولا حد حاول يراضيني شايفين حالهم انهم صح وماشيين بالغلط وكانه مشاعر الناس لعبة بين ايديهم انا بعدت عن الكل حتى اهلي بحاول اتجنب الكل والان الجميع بحاول يغصبني ارجع زي اول وانا مش قادرة بحكو عني حقودة طيب انا مش قادرة انسى الالم الي عشته ولا القهر ولا الزعل ولا البكا ولا سهر الليالي مش هاين علي انسى الي فات وارجع معهم عادي ربنا اعطانا الخيار انه نسامح او لا ليش همو بجبروني
العضوة: 2336371 , 2 hours ago
كان اول حمل لي وكانت الدنيا صيف والجو قرف وتلزيق و دارهم شوب كثير حاطين مروحة وحدة والصالون كبير ومش مرتاحة بملابسي ولا بقعدتي ولا مرتاحة من الشوب واساسا انا كل حمل لي صعب وحام بضل لاخر يوم واستفراغ يومي اقسم بالله يا بنات باول حمل اني اوكل الخبزة من هون استفرغها متل ما هي من هون يعني ما الحق اهضم شي ووزني نزل و حتى بطني ما كبر كثير من كثر الاستفراغ وحرقة المعدة ما اصعبها كانت غير التعب العام وبهداك اليوم كنت بالشهر الرابع لسا بكرية اول بطن و لسا اول ٦شهور زواج لانه حملت دغري يعني لسا ما بعرفهم منيح و علاقتنا عادية احترام وكنت احب اساعد وكل اشي واقدم من طيب قلب يومها كانت عيد ورحنا نعيد عليهم و قعدت وما قبلت اوكل كانوا عاملين غدا لبنتها المتجوزة وانا ما قبلت اوكل لانه تغديت وشبعانة و معدتي قالبة ودايخة ومش طايقة حالي من الشوب فما ساعدت بحط الاكل ولا بالجلي الكل قلب ضدي الكل هاجموني وما حدا تفهم تعبي صاروا يحكو شايفة حالك انتي مش اول وحدة بتحملي وعملولي مشكلة كبيرة مع زوجيالعضوة: 2336371 , 2 hours ago
وانا بعد هالمشكلة والله ما صفي قلبي حتى الان مع انه مرت ٥سنين تقريبا وبعدها صار مشاكل كثير الي بنت ماتت وانا زعلت من اخته ليش ما رنت و عزتني ببنتي ماتت ثاني يوم عرسها بس كان ممكن ترن عادي مكالمة ما رح يأثر عليها شي رنت بوقت متاخر بعد ما امها حكتلها يعني مش من خاطرها وما عزت زي العالم والناس انا انقهرت منها لانه انا رحت على عرسها مع انه بنتي بتموت بالمستشفى وحكيت هاد واجب وعملت الي علي ويا دوب كنت لسا والدة ١٠ ايام قيصيري والدنيا شتا يعني لسا ما تحسنت حالتي ومع هيك الكل لامني ليش ازعل ووقفوا معها همو هيك دايما بوقفوا جنب بعض ضدي طيب انا ام بنتها ماتت ويحكو بكل وقاحة شو يعني ماتت الله يرحمها بطريقة مستفزة انه مش من حقي ازعل ولا من حقي اتدايق طيب راعوا مشاعري والكره كل ماله بكبر بطلت اطيقهم بالمرةالعضوة: 2336371 , 2 hours ago
و الهم عادة مش حلوة ابدا ولا زوق يكون الاكل فواكه او اي شي قرب يخرب او جابوا بداله يبعتولنا ياه او يكونوا عاملين كيك بس ينشف و يقرب يوصل للكبب قال يعزموا علي عاساس انه احنا شحادين ومش لاقين الاكل كله نعمة بس لما بدكم تتصدقوا قدموا احسن ما عندكم مش اسوء شي هيك بالدين عرف وفوق هاد بستنو الشكر والمدح و بقعدوا يسالوا عن اي اشي جابوه منيح والخ يفتحوا مواضيع عشان تضلي تشكريهم انا صرت اشعر بالاذى واكره اي هدية منهم حتى لو كانت غالية فقط حتى لا اشعر بالمن والاذى بسببهم وبرضو كلهم يوقفوا مع بعض ضدي ويطلعوني غلطانةالعضوة: 2337758 , 2 hours ago
اهجرهم هجراً جميلاً ريحي راسكالعضوة: 2337758 , 1 hour ago
تصرف صح لاتتعبين اكثر تفسياً مع ناس سامه اهجريهن كلهنالعضوة: 2336371 , 1 hour ago
ما انا هجرتهم كذا شهر والان بده ياني ارجع نعهم عادي كأن شيئا لم يكن وانسى وبس قلتله انه مش ثادرة انسى بقول حقودة طيب اذا ربنا خيرنا وقال العفو عند المقدرة وانا مش قادرة انت بدك تعرف اكثر من ربنا يعنيالعضوة: 2336371 , 1 hour ago
انا بطبعي ما بقدر امثل ولا اجامل ولا اتعامل مع حد بكرهه طبيعي وببين علي دغري انه مش طايقته وهديك المرة عزم امه ومع اني من الصبح تنظيف وغسيل وطبيخ وشغل وعشان ما عجبوا كيف سلمت عليها لما دخلت مع انه سلمت سلام عادي قام كب كل الاكل الي طبخته وعصب وكان بده يضربني وكل شوي بقولوا انتي الشيطان راكبك وانتي منافقة لما تصحي تقيمي ليل طيب شو دخل هاي بهاي انا اتأذيت منهم ومن زواجي ومن اول حمل لي مع انه قبله ما شافوا مني الا كل خير وكل شوي بهدعملوا مشكلة واحنا مش من حقنا نزعل اذا همو غلكوا وما بعرفوا يعترفوا باغلاطهم ابداالعضوة: 2071794 , 1 hour ago
@user-2336371 حسبي الله ونعم الوكيل فيهم هدول مو بشر عنجد بس غلطتي لما رحتي ع عرس بنت حماكي لانو ما بتستاهل تعملي معاهم معروف هدول شياطين الله يعينك عليهم نصيحتي اعتزليهم عزل تام ولا تروحي الا ع المناسبات ومو ضروري تتحملي قرفهم الصراحه وحقك تتضايقي انتي مو حقوده انتي شفتي منهم الويل هما يلي وصلوكي لهون واصلا هيك ناس ما لازم تعملي معاهم اشي منيح بالمره بدهم العين الحمره مشان يحترموكي وحقك ما تنسي شو شفتي منهم الاسى عمره ما انتسى ابعدي عنهم ولا تفكري فيهم ولا تعمليلهم حساب حتى مزع يمزعهمالعضوة: 2337758 , 1 hour ago
@user-2336371 خلاص بيقولو اللي بدهم ازبليهم اعملي اللي يريحك اختيالعضوة: 2336371 , 1 hour ago
حتى يا بنات لما بدهم يعزموا عالغدا يعزموا على طبيخ انا مستحيل اوكله ولا بتقبله ويعملوامشكلة ليش ما اكلت واكون حاكية مثلا نفسي بطبخة عادية مثلا مقلوبة يقولوا لا ويطبخوا عكيفهم ودنا براعوا اني حامل وبتوحم ومن قبل الحمل انا اكل اللحم مستحيل اوكله والجاج يا دوب اوكل ما بحبهم نهائي و يجبروني عالاكل مع انه بنتهم بس حملت راعوا تعبها وصاروا يحكو عن الوحام ويعرفوه و يسالوها شو حابة تزكلي ويطبخوا عكيفها اما انا عدوري ما بعرفوا لا وحام ولا شي المشكلة انهم ليل نهار انتي زي بنتنا و لا عمري شعرت اني زي بنتهم ولو كنت زي بنتهم كان راعوني وقت تعبت بحملي اقسم بالله مليت حتى ذهبي كله بعته كامل ما صفى معي ولا قطعة وكثير منه انصرف عليهم فش تقدير ونسيوا كل اشي وانباع بالغصب لانه امه اخذته وكنت اقله جيب ذهبي البسه يقول ما له داعي صحيح بعدها انا قلت ينباع ولا يضل عندها بس لانه همو جبروني يضل عندها طيب انا ما تهنيت بذهب حتى اي مصاري احصلها من عيد او غيره كله اعطيه من طيب خاطر وكله ينساه وبالاخر تجي اخته تعايرني ليش هي ما باعت ذهبها وانا بعت وتقعد تعلق على وضعنا المادي وتجاكر انه هي وضعها احسن وتقول اشتريت كذا وجبت كذا وتعلق على دارنا فش عندكم طناجر ليش هيك المطبخ صغير وصلت معها انها تفتح الجزدان قدامنا وتقعد تعد بالمصاري وتقول بدي اتصدق ب ٣ليرات تخيلوا يا جماعة وانا بس زعلت الكل وقف معها ويقولوا مس قصدها كل هاد ومش قصدها كيف لو كان قصدها شو بتعمل اكثر وصار خلاف كبير بسببها ونفسيتي تدمرت وصرت اكره بيتي وحتى اعصب عولادي كثير من كثر الهم الي صابني بسببها وكل هاد بدهم ياني انساه طيب كيف انسى بالله في وحدة هون تقدر تعطيني طريقة لانسى؟؟؟؟؟العضوة: 2337758 , 1 hour ago
@user-2336371 الله ينتقم منهم ليش ماامنتي ذهباتك عند اهلك بيغارووووو منك ميتين منكالعضوة: 2336371 , 1 hour ago
اهلي كمان ضدي وهو منعني اخبر اهلي باي اي يصير معنا بدارنا ومع اهله هو عصبي كثير وانا مشكلتي جبانة لانه مد ايده علي كذا مرة واخر مرة كنت حامل ولسا ما عرفت بالحمل وربنا ستر ما اجهضت يا بنات وصلت لمرحلة انه اشك بحالي معقول انا الغلط معقول همو جد صح وهمو نيتهم طيبة وبرجع بحكي حتى لو نيتهم طيبة ما بطلعلهم يعملوا كل هاد والله تعبت من الشك تعبت من كل اشي صرت افكر اهرب انا وولادي لمكان بعيد بس بخاف يرفع علي قضية بوخد الولاد ما بقدر اعيش بلاهم والله مش قادرة اتحملالعضوة: 2336371 , 1 hour ago
هسا امه بتضل تقول اني زي بنتها وانها ما الها غيري وانا فاهمة قصدها بدها ياني اخدمها مثل ما حماتها عملت معها وانا كل تفكيري لا مش قادرة لانه بس تضيع صحتي ما حد رح يقدر هالاشي مثل ما لما ما قدروا لما بعت ذهبي عشانهم وانا كيف اتحملها بكبرها وتعبها وانا ما حد منهم تحملوني بتعبي وحملي ويضلوا يقولوا لا تحكي تعبانة وابصر ايش و ليش انا الي اتدبس فيها وعندها بنتين الي ضلت تدافع عنهم وتوقف معهن ضدي و تكبر راسهن علي وغير هيك انا وراي بيت وولاد وعندي امي واهلي مجبورة فيهم وهي بناتها مجبورة فيها وابنها الي هو جوزي مجبور فيها هو يروح يخدمها ليش انا ؟؟؟؟ اذا هي قبلت عحالها مع حماتها هيك انا شو ذنبي يا الله حد يفهمني بالله عليكن شو اعملالعضوة: 2337758 , 36 minutes ago
الله بيفرج عنك اختي