حبيباتي انا حامل بالأسبوع العاشر بالأسبوع السادس كان معي إفرازات بنية بكثرة و استمريت على الابر كل يوم ابرة و دوفاستون 4 حبات باليوم و الحمد لله وقفت بالأسبوع السابع بس احنا ضلينا على الابر ثلاث اسابيع صايرلي 6 ايام آخذة آخر جرعة امبارح رجع نزل افراز بني لما كنت بالحمام اعزكم الله نزل مرة وحدة و كان نسبيا كثير و بعدو ما نزل شي بس احيانا لما أمسح بالفاين الاقي شوية آثار بنية متفرقة اليوم رحت على الطوارئ الحمد لله البيبي بخير كتبولي إبر مثبتة ابرتين بالأسبوع و تحاميل زيادة على الدوفاستون بس حكي دكتور الطوارئ ما ريحني حكالي انو بالسونار كلشي مبين طبيعي بس لانو في هيك افرازات بيكون الحمل مهدد ب الاجهاض و في مثل هيك حالات 50% بيكمل الحمل و 50% لا ضاق صدري من لما طلعت من الطوارئ دعواتكم حبيباتي الله يحفظلي جنيني و يتمم حملي على خير