🙋 🔺هتقوليلي ابني لسه مولود! 🔻هقولك،، متنسيش حقنة فيتامين ك في أول ٢٤ ساعه ومتنسيش الجرعة الصفرية من الإلتهاب الكبدي 🔺هتقوليلي،، ابني يدوب 5 أيام! 🔻هقولك ،،متنسيش عينة الكعب في الصحة 🔺هتقوليلي،، الصفرا ظهرت🤦‍♀️ 🔻هقولك ،، رضعية كل ساعة وتابعي ارتفاعها مع الدكتور بتاعه 🔺هتقوليلي،، انا برضع طبيعي👌 🔻هقولك ،، أهتمي بالاوميجا3 لنفسك - وقطارة فيديو لابنك يومياً- وكلي اسماك بحرية مرتين في الأسبوع علشان اليود ،، كل دا هينزل للبيبي في اللبن وهيفرق في نضوجة العقلي 🔺هتقوليلي،، ادي للواد فيتامينات ايه؟ 🔻هقولك،، -فيتامين د (فيدروب) ،، ٤ نقط يوميا في اول سنة ،، و ٦ نقط يومياً في تاني وتالت سنة -الحديد من الشهر السادس ،، ربع قطارة هيدروفرين او انريتش -فيتامين أ ،، في الشهر التاسع وعند سن سنة ونص ويتتكرر لسن ٥ سنوات كل ٦ - ١٢ شهر 🔺هتقوليلي ،،الانتفاخات والمغص مبهدلينه 😢 🔻هقولك،، رضعي كويس من ١٠-٢٠ دقيقة من الناحية الواحدة علشان يوصل للبن نهاية الرضعة وكرعيه كويس وسيبي( ساعه - ساعة ونص) بين كل رضعة والتانيه ،، وابعدي في أكلك عن المسبك والسعرات الحرارية والمياة الغازية والكافيين ،، ومتنسيش تديله دوا للمغص. 🔺هتقوليلي،، الواد بيجيلة إمساك مش عارفه اتصرف؟ 🔻هقولك،، عليكي وعلي تمارين الامساك وبلاش لبوس جليسرين غير بعد يومين بدون حمام وظبطي اكلك واديله زيت اللوز الحلو،، 🔺هتقوليلي،، الواد علي طول مخنفر! 🔻هقولك،، دا شيء طبيعي وكل لما يكبر هيتحسن ،، وعليكي وعلي نقط محلول الملح واسبراي ماء البحر هينفعوه جداً وآمنين جداً جداً 🔺هتقوليلي،، انا حساه متأخر في ظهور الاسنان والحركة!! 🔻هقولك،، التسنين من ٦-١٢ شهر وصلب الراس علي ٣ شهور،، والقعدة واحنا ساندينه علي ٦ شهور ،، ومن غير سنده علي ٧ شهور ،، ومش لازم يزحف ،، والوقفه مسنود علي سن سنه ،، والمشي من ١٥-١٨ شهر.. طبقي بقا علي ابنك لو عدي اللي قولته ومحصلش افحصيه عند دكتور🤓 🔺هتقوليلي،، الواد جاله اسهال!! 🔻هقولك ،، اوعي تنسي تديله محلول الجفاف وزنك. 🔺هتقوليلي،، طب لو سخن من غير اعراض اعمله ايه؟ 🔻هقولك،، اصبري عليه يومين بالخافض ومتنسيش الكمادات بمياه فاتره ،، واديله سيتال لو قبل ٦ شهور ،، .. لو استمرت الحراره اكتر من يومين اكشفي 🔺هتقوليلي،، طب والتسلخات احميه منها ازاي!! 🔻هقولك ادهنيله كريم فيه زنك بعد كل غيار ونشفي وهوي لمدة دقيقة ،، 🔺هتقوليلي،، ايه رأيك في الأوميجا ٣ للطفل؟ 🔻هقولك،، لقوا انه ليه فوايد عظيمة للقدرات الذهنية للطفل .. فبدأوا يوصفوه للأم وهي حامل وهي بترضع وللطفل من بعد سن سنة،، وكل بيصب في مصلحة البيه الصغنن 🔺هتقوليلي،، طب انا ديماً مشغولة وبسيبه قدام الموبايل او التلفزيون! 🔻هقولك ،، هتندمي يوم لا ينفع الندم😤 ،، ارتباط الميديا بالاضطراب السلوكي ارتباط قوي ،، وعلشان كدا نصحت الاكاديمية الامريكية لطب الأطفال بمنع كل ماله شاشه من الأطفال قبل سن 5 سنين تمامااااا 🔺هتقوليلي ،، طب عايزه اشغل وقته وازود ذكائه؟ 🔻هقولك ،، بالعاب المنتسوري والبازل هتفرق جداً معاه وهتشوفي.