الاهتمام بشق العجان

1 year ago

مرحلة مابعد الولادة

بنات عطوني طريقتكم في العناية بنظافة شق العجان والتخفيف من الألم وكل شيء مفيد عن هالموضوع. أنا مشكلتي خايفة أتبرز والجرح ينتح. أحيانًا أقول بدفع شوي أكثر وأحيانًا أقول لا أخاف الجرح ينفتح. والمشكلة رخصوني والدكتورة نست تكتب لي مضاد وأنا حدي تعبانة ماقدر أروح وأبي أريح شوي لأن بتكون عندي مواعيد أنا وولدي فيدوني بكل اللي تعرفونه عن هالموضوع لأن ماعطوني إلا بندول وأنا شريت ملين دوفالاك بس خايفة أستخدمه لأن البيبي عنده نقص خميرة

13 تعليقات

العضوة: 1431381 , 1 year ago

حاولي يكون اكلك ملين و يخلي المعدة ماشية ابعدي عن الاكلات الي تسبب امساك و اشربي سوائل دافئة حتى الموية خليها دافية و اشربيها على الريق مثلا علشان ماتضطري تاخذي ادوية وامورك بتكون تمام هو بس اول ايام بيكون صعب بعدين بيصير عادي و بخصوص نظافة المنطقة اول ما تخلصي و تغسلي المنطقة خلي عندك منديل كبير و طبطبي على المنطقة تطبطب علشان تنشف و اهم شي غيري الفوط بأستمرار لا تخليها فترة طويلة و لو عندك مرهم ميبو او نفس تركيبته حطي منه بعد ما تجففي المنطقة كمية قليلة مو كثير و لو قدرتي خلي المنطقة تتهوى ١٠ د لا تحطي منقوع ملح ولا غيره هو جرح و اهم نقطه التجفيف و خلاص

العضوة: 1798510 , 1 year ago

وعادي الجرح مايصير له شيء مع الدفع حق التبرز؟ أنا عندي خوف ما سويت إلا مرة تقريبا وباقي المرات كلها محاولات فاشلة بسبب الخوف والحمدلله أكلاتي لينة بس الخوف مو مخليني أحس بسيناريوهات في دماغي

العضوة: 1798510 , 1 year ago

جم يوم تقريبا والشد في المنطقة يقل؟؟

العضوة: 1431381 , 1 year ago

عشت الي تمري فيه الان و عارفة شعورك 🥹🥲 تخافي من الضغط كثير و توقفي محاولات هو شوفي على حسب وضعك تحسي معاك امساك شديد او لا ؟ اذا كنتي قادرة و امورك تمام من ناحية بعد الضغط انك سويتيها و ما احتجتي قوة دفع كبيرة ف عادي هذا احساس خوف و توتر علشان المنطقة و اذا كان معاك امساك شديد يفضل تنتبهي على نفسك و تخففي دفع و زي ماقلت لك خذي لك موية دافية على الريق تكون قريبة من الساخنة و لاتفكري بشي يخوفك ابدا كلنا مرينا بهالتجربة و عدت على خير و الوحدة تتعلم ويصير عندها خبرة مع الوقت و انه هالشي طبيعي بسبب الخوف انك ماتقدري تقضي حاجتك