بنات عطوني طريقتكم في العناية بنظافة شق العجان والتخفيف من الألم وكل شيء مفيد عن هالموضوع. أنا مشكلتي خايفة أتبرز والجرح ينتح. أحيانًا أقول بدفع شوي أكثر وأحيانًا أقول لا أخاف الجرح ينفتح.
والمشكلة رخصوني والدكتورة نست تكتب لي مضاد وأنا حدي تعبانة ماقدر أروح وأبي أريح شوي لأن بتكون عندي مواعيد أنا وولدي
فيدوني بكل اللي تعرفونه عن هالموضوع لأن ماعطوني إلا بندول وأنا شريت ملين دوفالاك بس خايفة أستخدمه لأن البيبي عنده نقص خميرة
العضوة: 1431381 , منذ ساعة
حاولي يكون اكلك ملين و يخلي المعدة ماشية ابعدي عن الاكلات الي تسبب امساك و اشربي سوائل دافئة حتى الموية خليها دافية و اشربيها على الريق مثلا علشان ماتضطري تاخذي ادوية وامورك بتكون تمام هو بس اول ايام بيكون صعب بعدين بيصير عادي و بخصوص نظافة المنطقة اول ما تخلصي و تغسلي المنطقة خلي عندك منديل كبير و طبطبي على المنطقة تطبطب علشان تنشف و اهم شي غيري الفوط بأستمرار لا تخليها فترة طويلة و لو عندك مرهم ميبو او نفس تركيبته حطي منه بعد ما تجففي المنطقة كمية قليلة مو كثير و لو قدرتي خلي المنطقة تتهوى ١٠ د لا تحطي منقوع ملح ولا غيره هو جرح و اهم نقطه التجفيف و خلاصالعضوة: 1798510 , منذ ساعة
وعادي الجرح مايصير له شيء مع الدفع حق التبرز؟ أنا عندي خوف ما سويت إلا مرة تقريبا وباقي المرات كلها محاولات فاشلة بسبب الخوف والحمدلله أكلاتي لينة بس الخوف مو مخليني أحس بسيناريوهات في دماغيالعضوة: 1798510 , منذ ساعة
جم يوم تقريبا والشد في المنطقة يقل؟؟العضوة: 1431381 , منذ ساعة
عشت الي تمري فيه الان و عارفة شعورك 🥹🥲 تخافي من الضغط كثير و توقفي محاولات هو شوفي على حسب وضعك تحسي معاك امساك شديد او لا ؟ اذا كنتي قادرة و امورك تمام من ناحية بعد الضغط انك سويتيها و ما احتجتي قوة دفع كبيرة ف عادي هذا احساس خوف و توتر علشان المنطقة و اذا كان معاك امساك شديد يفضل تنتبهي على نفسك و تخففي دفع و زي ماقلت لك خذي لك موية دافية على الريق تكون قريبة من الساخنة و لاتفكري بشي يخوفك ابدا كلنا مرينا بهالتجربة و عدت على خير و الوحدة تتعلم ويصير عندها خبرة مع الوقت و انه هالشي طبيعي بسبب الخوف انك ماتقدري تقضي حاجتكالعضوة: 1431381 , منذ ساعة
من اول اسبوع و بعدها المنطقة تبدا تلين واكيد الخياطة مع العناية بتكون تمام و ما يصير لك الا العافيةالعضوة: 1798510 , منذ ساعة
إن شاء الله حبيبتي يعطيج العااافية والله نصايحج مفيدةالعضوة: 1798510 , منذ ساعة
إن شاء الله خير 🤲🏼🤲🏼