4 years ago
  • المرحلة الأولى ( اول 3 اشهر)
بنات شاركونا تجاربكم اللي حملت اكثر من مرة بنات طبيعي الحامل تمر بواسويس تقلقها في الحمل والافكار الوسواسية مثلا : البيبي مايتحرك صار فيه شي او اجهض في بطنها وهي مو حاسة ومن هذي الافكار … شنو الحل مع الوساويس والقلق؟ شاركونا الافكار الله يريح بالكم

9 تعليقات

العضوة: 1326081 , 4 years ago

@user-1430548 استودعيه الله سبحانه وتعالى يوميا وابعدي هذي الافكار وبالنهايه اذا ربك مقدر يجي عالدنيا بتشوفينه واذا لا لاسمح الله بيعوضك ربنا خير ماتتوقعينه

العضوة: 1264436 , 4 years ago

جبت اربع اطفال واللحين حامل بالخامس ماعمري وسوست الا بالحمل هذا بس اتعوذ من الشيطان واقرا قران كثير دعواتك باقي للولادة اسبوعين

العضوة: 1256427 , 4 years ago

بما انه اول حمل لي كله افكر واخاف عليه واوسوس بس مرهق الوضع جدا تعوذت من ابليس ووكلت امري لله وحده

العضوة: 1370570 , 4 years ago

انا اجهضت قبل توقف النبض واللحين حامل بالشهر الرابع ونفس الشي من حملت بس موسوسه لدرجة ودي كل يوم اروح للمستشفى واشيك بس بعدين قلت لازم اقوي قلبي اللي كاتبه ربي بيصير واستودعته الله كل يوم والله يقر عيوني بشوفته يارب

العضوة: 1370570 , 4 years ago

وطلبت من نون جهاز سماع نبض الجنين انتظره يجي بجربه الله يعين شكلي كل يوم بشيك🤣

العضوة: 1430548 , 4 years ago

@user-1326081 اللهم استودعتك مافي ارحامنا اللهم احفظهم وقر اعيوننا بهم

العضوة: 1430548 , 4 years ago

@user-1264436 ماشاءالله يارب الله يحفظهم بس تدرين شعور كل ما تجي اعراض جديده اقول شنو هذا لا سمح الله صار شي يمكن مثلا الحين ظهري يعورني اقول ليش او اذا وقف الوحام ومعدتي صارت احسن اقول ليش هههههه كأني تعودت

العضوة: 1430548 , 4 years ago

@user-1256427 اي والله نفس الحالة خصوصا اذا اعراض جديدة او اذا اختفت الاعراض القديمة اشك استغفرالله

العضوة: 1430548 , 4 years ago

@user-1370570 حبيبتي الله عوضج الحمدلله ودي كل يوم اروح الطبيب والله اقول ابي اشتري جهاز السونار واخليه جنبي ريلي يضحك علي ههههه بس تدرين شعور كل ما تجي اعراض جديده اقول شنو هذا لا سمح الله صار شي يمكن مثلا الحين ظهري يعورني اقول ليش او اذا وقف الوحام ومعدتي صارت احسن اقول ليش هههههه كأني تعودت وتأكد حبيبتي ان الجهاز مصرح من وزارة الصحة في اجهزة غير مصرحة مو زينه على الجنين الله يحفظه