الحمدلله ولدت اليوم وذي تجربتي مع ابرة الظهر ..

5 years ago

ما قبل الحمل

السلام عليكم .. للبنات اللي تبي تعرف من تجربتي لابرة الظهر كتبت لكم هذا الموضوع لعل فيه فايده لكم .. الموهيم لازم تعرفين انها تختلف من بنت لبنت بالنسبه لربعي وكل قرايبي اللي اخذوا ابرة الظهر مدحووووه وحبوه وقالوا عادي نولد عشرين ما دام في شي اسمه ابرة ظهر ..وصراحه محد قريب مني سبها ابدا .. انا ي طويلين العمر رحت لقوى الامن وطلبت ابرة ظهر .. لان مافي بنج بالعالم ينفع معايه الكمامه اشوفها لعبه م تدوخني ولاشي ، ابرة المسكن وجودها زي عدمها حتى بنج الاسنان م يخدرني ابدا .. وبالفعل ادوني ابرة ظهر .. وتسكن الالم عندي بالنسبة 40٪ يعني احس ب الطلق بس اهون من كل ولاده وذي نتيجه تعتبر طيبه .. لكن لمن طلعت من الكشك بدات الالام ب الظهور ظهري كانه مكسور ورجلي نايمه .. احس بدوخه وغثيان بسيط .. فاللي تتبنج طبيعي وتدوخ من الكمامه وماعنده مشاكل من البنج او التخدير وتبي تجرب الله يوفقه .. اما اللي مثل حالتي م تتخدر بسرعه فـانصحها بلاش لان ماراح تستفدين شي الا الالم يزيد عليك بعد الولادة ، احسن شي بالموضوع اللي رجلها تعورها جدا ترا تتخدر من ابره الظهر ولاتحسين فيها بوقت الولاده .. وبالنهاية اسال الله ان ينفس كربكم ويسهل ولادتكم وتقومون بالسلامه يارب انتم واطفالكم بصحه وعافيه يارب .. استودعتكم الله 🌷

10 تعليقات

العضوة: 518469 , 5 years ago

ألف مبروك و الحمد لله على سلامتك و سلامت البيبي إمتى أخر دورة؟؟

العضوة: 351092 , 5 years ago

الأعراض الي ايجتك جدا عادية ترا و تروح بعد أسبوع أو اسبوعين يعني ما في شيئ جديد أو صعب انا اخذتها مرتين و اول مرة وجع الظهر ضل معاي مدة أسبوع و سالت دكتور التخدير و قال طبيعي جدا بسبب مكان الإبرة و خلال أسبوع أو أكثر يروح و فعلا راح بالاخير كلها اعراض جانبية و كل شي بالطب عنده اعراض جانبية سواء دواء أو اوبر و حتى الحمل عنده اعراض جانبية و الف مبروك على الولادة

العضوة: 579681 , 5 years ago

انا بولادتي ما اخدت ابره الضهر ولا رح اقدر اخدها عندي اجراحه بالعمود الفقري وما رضيو يعطوني اياها ال ما بصير اخدت بخاخ مخدر بصراحه بروح العقل تقريبا ما بتوعي كتير بس الألم ما بخف ابدا للاسف الحمدلله نصيب

العضوة: 579681 , 5 years ago

الحمدلله عسلامتك

العضوة: 694470 , 5 years ago

الله يسلمكم حبايبي وعقبالكم 💛💛💛 بالنسبة للي تسأل عن متى اخر دوره .. كانت يوم 25/12 هـ بالميلادي 27/8/2019 م يعني ولدت ب الاسبوع 39 والحمدلله ان شاءالله يخف الالم ب اللي كنت اقصده اختي الغاليه اني ب الاخير لمن فتح 10 سم حسيت بكل الالام وكانه في مسكن او اي شي عشان كذا قلت ماراح تستفيد شي اللي مثل حالتي 🌷