السلام عليكم بنات بحكيلكم عن تجربتي بالرضاعه الطبيعية واللي مرت بنفس التجربه او تعرف حل ليها ياريت تقولي ..انا والده ولادتين طبيعي والحليب بينزل باليوم الرابع لحد هنا كل الأمور تمام ..بس بيعدي شهر او اثنين وبالكتير ثلاث شهور فجأه الحليب ينقطع من صدري ومش عارفه السبب واضطر في كل ولاده ان اطفالي يشربوا حليب صناعي وهنا الموضوع ده مُكلف في بلدي بجانب احتياجات الطفل الاخري اكيد فاهميني وبالاخص ان الحليب الصناعي ملهوش فايده بجانب فائده الرضاعة الطبيعية وعلشان مناعه الطفل.. ولما بينزل الحليب بينزل خفيف وبرضع من جنب واحد فقط جهه عندي كويسه وجهه مش عارفه بحثت عنها عرفت انها اسمها حلمه منقسمه وبرغم اني بشرب كميه سوائل وباخد علاج لادرار الحليب ويفضل 3 شهور ويختفي وانا دلوقتي حامل ونفسي الولاده الجايه ان شاء الله اكون برضع طبيعي ...مين حصل معاها كدا وعملت ايه وايه الحل ؟؟ علشان سألت دكتورتي قالتلي حسب كل جسم وطبيعته واظن مفيش حاجه اسمها كدا لان الحليب بينزل وفجأة بيختفي ارجو الرد وجزاكم الله خير..