كيفكم بنات؟ بدي احكي موضوع خارج نطاق الحمل والولادة. احكولي رايكم ؟تزوجت انسان زواج تقليدي هو بسم الله ماشاء الله تبارك الرحمن كويس وجبنا طفل وطفلة لكن الأوضاع المادية كانت ببداية الزواج منيحة نوعاً ما لكن زوجي تركت وظيفتو الي بمؤسسة خاصة وراح عالحكومة والوضع صار سيء ،قسط مدرسة لبنتي ،اجرة بيت ...الخ ،وانا من النوع الي بحب اشتري ملابس لأولادي والي ومكياجات وهيك قصص طبعا بسبب هاي الظروف مش عم اقدر اجيب لحالي اشياء كتيرة وبحس اني زعلانة عهالوضع وحاولت اشتغل معلمة رياض اطفال لكن مرضت وصار عندي التهاب بأذني وحلقي شديدين واهملت البيت واتعتست بالاولاد بالروحة والترويحة فتركت وبحاول افكر اعمل مشروع خفيف ظريف بس محتارة شو هو ،الي ظروفهم متل هيك كيف بواجهوا الحياة وكيف بقدروا يتعاملوا مع متل هيك ظروف ؟