السلام عليكم بنات اول شي أنا عندي سلفه زوجة اخو زوجي وتصير بنت عمي بعد وساكنين بنفس العماره ..المهم هذي السلفه ماقصرت معها بشي إذا احتاجت مساعده او بغت شي اكون متعاونه معها ولينة الجانب وانا طبيعتي كذا الحمدلله ما احب اكون قاسيه ع احد المهم هي مدري وش وضعها صراحة انطوائيه مع الناس وماتحب تتكلم معهم كثير او تحتك مع احد إلا الي ترتاح له ..عاد الي ترتاح له تشغله بنفسه🥲 مر ع زواجنا ست سنين ولا مرة خذلتها في شي وكل حملاتها وولايدها اكون جنبها وأساعدها وبرمضان اجي احياناً أعاونها في بعض الأمور وهي ما القى منها مبادرات ..المهم حصل قبل شهرين نقاش بيني وبينها السالفه هي اكثر من مره تناديني للقهوه ويوم اجي اروح لها تعتذر تقول خليه بعدين وأعلمها اني أتضايق من الشي ذا قلت إذا بتعزمين خليك عند كلمتك موب تخليني أتجهز واخر شي تكنسلين وعدت الايام وكل مره تعيدها واسكت وامشي لها المرة ذي عزمتني نفس الشي وانا حامل وتعبانه بس قلت عشان خاطرها بنزل لها ويوم جيت بروح قالت لا أنا نعسانه لاعاد تجين😳خيير طيب كم مره علمتك أنا ..وهاوشتها قلت انتي دايم وضعك كذا تعزمين وتكنسلين مرة ثانيه ماعاد اجيك وقعدت تتشره شوي وراحت تنام ولا عليها وبعدها عزمتني قلت ماني جايتك..تعزمني إذا روقت واذا ماجاز لها الوضع كنسلت ..المهم زعلت وحظرتني من الواتس ..وبعد شهر الي هو اليوم فكت الحظر قاعده تسألني عن بنتها ومدري ايش مسويه نفسها ماسوت شي قلت وش عندك حاظرتني قالت موب انتي لحالك الي يعرف يزعل حنا بعد نزعل ..رديت قلت ازعلي بكيفك ويلا بلوك على وجهك المره ذي مني اناا.. سؤالي هل أنا مكبرة الموضوع وهو مايستاهل مع انه العكس وهل تعاملي معها كذا صح ولا !؟