الشهر التاسع والمقبلات على الولادة

الشهر التاسع والمقبلات على الولادة 7amal /templates/dist/assets/img/logo.png
كيفكم بنات
اليوم قررت أشارككم تجربة ومخاطرة شوية يمكن تستفيدوا😂😂

انا إن شاء الله بكرة ابدء الإسبوع 36 واللي هو المفروض بداية التاسع لكن بالأشهر باقيلي اربع أيام فاراح أستنى الين أدخل التاسع بالضبط يوم 12 يناير إن شاء الله وأبدء تجربتي🤪😍😍

طبعاً هادا مو أول حمل ليّ وماأنصح أحد يقلدني لكن انا بصراحة حاجرب واللي حابة تتابعني وتتابع معايا إيش يصير الله يحييها🌹🌹

إن شاء الله كل يوم حاشرب شيء من اللي يفتح او يساعد على فتح الرحم وراح امشي مسافة معينة وراح أسوي تجارب البنات اللي بيسووها اخر التاسع لما مايكون في بوادر ولادة انا راح ابدء إن شاء الله من اول يوم في التاسع وماراح استنى اكمل كم اسبوع بصراحة🙃

للعلم هادا إن شاء الله الطفل رقم 5️⃣ ودايماً اولد نهااااااية التاسع😓😩 وهادي المرة حملت على الرضاعة بدون دورة وبصراحة مرررررة ثقلاااااانة الله يهون علينا الباقي ويكتب أجرنا يارب ويقر عيننا بأطفالنا سليمين معافين صحيحين الخلقة والخلق

راح انزل كل يوم ايش سويت وايش حسيت ومن هادا الكلام يمكن إن شاء الله ربي يكتبلي اولد بدري في التاسع وماأتأخر الين نهايته😓 وطبعاً موعد الولادة مكتوب عند رب العالمين وماحايجي قبل موعده لكن حأجرب واخذ بالأسباب لعل فرج الله قريب♥️

و احب أشكر كل واحدة مقدماً راح تنصحني انه استنى شوية وانه جداً بدري دحين لكن انا خلاص قررت و إن شاء الله ربي يكتبلي الخير ويحفظني ويحفظ جنيني استودعته الله 💟💟