كيفكم بنات
اليوم قررت أشارككم تجربة ومخاطرة شوية يمكن تستفيدوا😂😂
انا إن شاء الله بكرة ابدء الإسبوع 36 واللي هو المفروض بداية التاسع لكن بالأشهر باقيلي اربع أيام فاراح أستنى الين أدخل التاسع بالضبط يوم 12 يناير إن شاء الله وأبدء تجربتي🤪😍😍
طبعاً هادا مو أول حمل ليّ وماأنصح أحد يقلدني لكن انا بصراحة حاجرب واللي حابة تتابعني وتتابع معايا إيش يصير الله يحييها🌹🌹
إن شاء الله كل يوم حاشرب شيء من اللي يفتح او يساعد على فتح الرحم وراح امشي مسافة معينة وراح أسوي تجارب البنات اللي بيسووها اخر التاسع لما مايكون في بوادر ولادة انا راح ابدء إن شاء الله من اول يوم في التاسع وماراح استنى اكمل كم اسبوع بصراحة🙃
للعلم هادا إن شاء الله الطفل رقم 5️⃣ ودايماً اولد نهااااااية التاسع😓😩 وهادي المرة حملت على الرضاعة بدون دورة وبصراحة مرررررة ثقلاااااانة الله يهون علينا الباقي ويكتب أجرنا يارب ويقر عيننا بأطفالنا سليمين معافين صحيحين الخلقة والخلق
راح انزل كل يوم ايش سويت وايش حسيت ومن هادا الكلام يمكن إن شاء الله ربي يكتبلي اولد بدري في التاسع وماأتأخر الين نهايته😓 وطبعاً موعد الولادة مكتوب عند رب العالمين وماحايجي قبل موعده لكن حأجرب واخذ بالأسباب لعل فرج الله قريب♥️
و احب أشكر كل واحدة مقدماً راح تنصحني انه استنى شوية وانه جداً بدري دحين لكن انا خلاص قررت و إن شاء الله ربي يكتبلي الخير ويحفظني ويحفظ جنيني استودعته الله 💟💟
العضوة: 1030909 , منذ 3 سنوات
@user-695683 صار لك 36 اسبوع ويومينالعضوة: 1030909 , منذ 3 سنوات
@user-695683 دخلتي الشهر التاسع من اسبوع ...العضوة: 1196408 , منذ 3 سنوات
وانا خاد حملي ثاني والي اربع ايام داخلة بتاسع صراحة مش حابه اكمل لا اخر تاسع 🥲🥲🥲 يا رب اولد قبل وزن الجنين كان اخر ثامن 2300 غرامالعضوة: 695683 , منذ 3 سنوات
مشكوره حياتي ربي يسعدك ويسهل عليج وعلينا ياربالعضوة: 659589 , منذ 3 سنوات
كيفكم بنات نوافيكم باخر التحديثات 🙃 امس فرفرت في السوق وبعدين نزلت الممشى ومشيت رجعت سويت خلطة الحليب بالقرفة واكلت معاها تمر بعدها سويت باث حاااار وجلست فيه وسويت شوية قرفصاء💪🏻💪🏻 النتيجة🌚 جاني طلق في بطني ورجولي وقعدت متألمة فترة اطول من المعتاد في العادة اصلي الفجر واقعد مع اولادي الين 9 يخلصوا قرانهم واجهز فطور زوجي لكن اليوم مع الألم ماقدرت اسوي ولا شيء صليت ورجعت السرير انسدحت😑😓 ارسلت لزوجي اني تعبانة وامس قالي وجهك مرة احمر وباين فيه التعب لكن الظهر الحمدلله اتحسنت واختفى الألم😶😶 اليوم كمان صابني غثيان مرررررة ماادري ايش المشكلة شربت بابونج ومالي نفس اسوي شيء اليوم بسبب الغثيان😷العضوة: 659589 , منذ 3 سنوات
هادي مشروبات تساعد على فتح الرحم وتسهل الولادة إن شاء الله تقريباً اغلبها جربتها بس انا كل يوم اجرب شيء غير عن اليوم اللي قبله والله يسهلنا جميعًا ياااااربالعضوة: 659589 , منذ 3 سنوات
هادي هي👇🏻👇🏻 بس المرمية قريت المفروض ماتبدئي فيها الا بالاسبوع 38 وكمان لاتزيدي عن كوب او كوبين في اليوم كل شيء يزيد عن حده ينقلب ضده انا بأشرب كوب واحد المساءالعضوة: 695683 , منذ 3 سنوات
حبي الله يساعدك ويسهل عليك شو يعني باث حار وشو طريقه الحليب مع القرفه كيف تسويه مثلك توني راجعه ماشيه وحس رجولي بينكسرنالعضوة: 659589 , منذ 3 سنوات
هلا ياقلبي باث حار يعني اعبي البانيو موية حااارة واجلس فين استرخى ويخفف الالم عن رجولي ويحمي الطلق اذا ربي اراد بالنسبة لخلطة الحليب تلاقيها بالتفصيل في مواضيعي شوفيها مكتوب خلطة لتسهيل الولادة الله يسهلنا يارب كلنا ويعطينا ساعة الفرج عاجلاً غير اجلاً ياربالعضوة: 1030909 , منذ 3 سنوات
@user-659589 والله اليوم كنتي ببالي كنت بدي أسالك شو صار معك وانا صارلي من أول شهري قرفصاء وقرفة ومشي يومياًالعضوة: 1030909 , منذ 3 سنوات
@user-659589 بس مليت من القرفصاء متعبتني وبدون فايدة حاليا معتمدة الدرج اطلع وانزل كثييرالعضوة: 695683 , منذ 3 سنوات
مثلك والله يالله الحمدلله ع كل حال ربي يسهل علينا وعليكمالعضوة: 695683 , منذ 3 سنوات
اللهم امين ياقلبي فعلا الشي متعب والثقل يزيدالعضوة: 659589 , منذ 3 سنوات
يسعدك ربي ويفرج علينا جميعاالعضوة: 695683 , منذ 3 سنوات
هلا حب طمنيني كيف صرتي شو اخر التطورات