منذ 3 سنوات
  • المرحلة الثالثة (الأشهر 9,8,7)
كيفكم بنات اليوم قررت أشارككم تجربة ومخاطرة شوية يمكن تستفيدوا😂😂 انا إن شاء الله بكرة ابدء الإسبوع 36 واللي هو المفروض بداية التاسع لكن بالأشهر باقيلي اربع أيام فاراح أستنى الين أدخل التاسع بالضبط يوم 12 يناير إن شاء الله وأبدء تجربتي🤪😍😍 طبعاً هادا مو أول حمل ليّ وماأنصح أحد يقلدني لكن انا بصراحة حاجرب واللي حابة تتابعني وتتابع معايا إيش يصير الله يحييها🌹🌹 إن شاء الله كل يوم حاشرب شيء من اللي يفتح او يساعد على فتح الرحم وراح امشي مسافة معينة وراح أسوي تجارب البنات اللي بيسووها اخر التاسع لما مايكون في بوادر ولادة انا راح ابدء إن شاء الله من اول يوم في التاسع وماراح استنى اكمل كم اسبوع بصراحة🙃 للعلم هادا إن شاء الله الطفل رقم 5️⃣ ودايماً اولد نهااااااية التاسع😓😩 وهادي المرة حملت على الرضاعة بدون دورة وبصراحة مرررررة ثقلاااااانة الله يهون علينا الباقي ويكتب أجرنا يارب ويقر عيننا بأطفالنا سليمين معافين صحيحين الخلقة والخلق راح انزل كل يوم ايش سويت وايش حسيت ومن هادا الكلام يمكن إن شاء الله ربي يكتبلي اولد بدري في التاسع وماأتأخر الين نهايته😓 وطبعاً موعد الولادة مكتوب عند رب العالمين وماحايجي قبل موعده لكن حأجرب واخذ بالأسباب لعل فرج الله قريب♥️ و احب أشكر كل واحدة مقدماً راح تنصحني انه استنى شوية وانه جداً بدري دحين لكن انا خلاص قررت و إن شاء الله ربي يكتبلي الخير ويحفظني ويحفظ جنيني استودعته الله 💟💟

1936 تعليقات

العضوة: 812153 , منذ 3 سنوات

ثلاث ساتني زيي فحملي الأول ولاكن انا كان معي وجع من الفجر للقبل المغرب رحت للمشفى وإن فاتح ثلاث سانتي ظليت بالمشفى ٦ ساعات لعبال مخلفت حطولي وجع صناعي عشان تنزل الميه ومن شدة الوجع بطلت اتحمله غير هم حطو اشي ونزلو الميه

العضوة: 1037138 , منذ 3 سنوات

انا ما عندي غير انقباضات في عنق الرحم مافي بوادر ولا آلآم ثانيه

العضوة: 812153 , منذ 3 سنوات

حاولي تمشي وتحممي بمي حامي يمكن يساعدك

العضوة: 1184153 , منذ 3 سنوات

تعب عالفاضي نصيحة ريحي حالك مشان وقت الولادة تساعدي نفسك انا بشهر التاسع اريح نفسي مرررة واولد بنصه

العضوة: 1199579 , منذ 3 سنوات

بنات حبيباتي اني دخلت الشهر التاسع من ثلاث اياام يعني ابدا بتمارين القرفصاء والمشيي 🥺

العضوة: 659589 , منذ 3 سنوات

ماشااااء الله تبارك الله😍😍😍 الله يرزقنا يارب ولاده سهلة ميسرة

العضوة: 659589 , منذ 3 سنوات

ايوة ياقلبي المشي مهم ومفيد جداً لصحتك قبل اي شيء

العضوة: 659589 , منذ 3 سنوات

متأكده ثلاث سم!؟ لانه كده ولادة غريبة مرة مستحيل من 20 يوم عموماً سوي قرفصاء وسوي بانيو حار وانتي جالسة فيه سوي قرفصاء وسط الموية وحاولي تمشي او تطلعي وتنزلي الدرج إن شاء الله تولدي بالسلامة يارب كمان جربي اشربي منقوع الزعفران وكلي تمر وأدعي ربنا إن شاء الله ماينتهي هادا الاسبوع الا انك والدة ولادة ميسرة يارب

العضوة: 1004409 , منذ 3 سنوات

انا توني دخلت اسبوع 40 مافيه بوادر ولادة وبكرية متحجر بطني تجيني نغزات وتروح نفسيتي جدا تعبانه

العضوة: 659589 , منذ 3 سنوات

اليوم كان عندي موعد تصوير الحمدلله اتطمنت على البيبي والمشيمة والموية وماشاء الله راس البيبي لتحت بس طبعاً ماحاتنزل الحوض الا وقت الولادة الله ييسر يارب كنت ناوية امشي واجرب خلطات جديدة لكن للأسف اتكاسلت صايرة ثقلاااانة مرة وعيالي تعبانين جلست معاهم😌😌 بس بكرة إن شاء الله اعوضها كمان الجو بارد انا احب البرد مرة ويشجعني ع المشي لكن للأسف زوجي عدو البرد وكمان تعب مايبغى يمشي في البرد ومع التعب مو قادر كمان وانا الصراحة احتاج احد يمشي معايا يشجعني مع الثقل مرة باتكاسل😔 شربت نعناع مغربي سمعت انه يرخي العضلات ويساعد ع الولادة طبعاً ماني مصدقة لكن نجرب ايش ورانا 🤣🤣

العضوة: 659589 , منذ 3 سنوات

طيب جربتي تمشي وتسوي قرفصاء ؟ تدهني بزيت زيتون وحبة البركة وتتحممي وتسوي بانيو حاااار ؟

العضوة: 1161861 , منذ 3 سنوات

لا تستعجلي بتجيك ساعة الولاده في وقتها انا اولد دايما في آخر يوم في الاسبوع الاربعين الي عليك تمشي كل يوم مشي نص ساعه او اربعين دقيقه خطوات متباعده زي مشية الجندي واشربي ملعقه عسل في مويه كل يوم واشربي حليب دافي وكلي ٧ تمرات .. وبعدها خلاص استغلي هالايام في ختم القرآن طول وقتك امسكي المصحف واقرأي قرآن وقبل تنامي استغفري لحد ماتنامي مع كثرة قراءة القرآن بتلقين ساعة الولاده جات في وقتها بيسر وسهوله بإذن الله

العضوة: 1161861 , منذ 3 سنوات

وكذلك انصح اي وحده دخلت شهرها وتنتظر الولاده تستغل هالايام في ختم القرآن خلي وقتك كله للقرآن لدرجة اذا جاك الطلق ماتبغين تفكين القرآن لين تخلصين ختم

العضوة: 659589 , منذ 3 سنوات

ماشاءالله تبارك الله أفضل نصيحة مرت عليّ💟💟 الله يكتب أجرك ياااارب ويجزاكِ خير القران خير دواء يللا نختم مع بعض إن شاء الله كل اسبوع مرة ايش رايكم بنات😍 خمس اجزاء كل يوم حانختم كل 6 ايام واللي ماتقدر ممكن تقرء ثلاث اجزاء كل يوم ونختم كل عشر أيام😍😍والي ماتقدر تقرأ اللي تقدر عليه نستغل اليوم طول وقت الفراغ بالقران وقبل النوم الإستغفار♥️♥️ استغفر الله واتوب اليه