العضوة: 659589 , منذ 3 سنوات

بنات ابغى احكيكم حاجة اغلبكم يعرف اني حملت بدون دورة كنت ارضع وبنتي صغيرة ماكملت 5 اشهر اكتشفت اني حامل المهم بكيت شوية مااكذب عليكم لسى مانسيت الالم وكده لكن بعدها استغفرت الله وقلت اسأل الله ان يعينني عليهم … المهم قبل بنتي الاخيرة اللي ولدتها كان مررررة نفسي احمل ومشتاقة انا وزوجي لنونو صغير شلت اللولب لكن ماحملت علطول زي دايماً😳 وانصدمت وبعدين استنيت الشهر اللي بعده وبرضك ماحملت الصراحة نفسيتي صارت سيئة بس انتظرت شهرين واتدمرت نفسياً اسأل الله ان يطعم كل مشتهي الذرية الصالحة يااااااارب،،، الشهر اللي بعده حملت وانهبلت من الفرحة واذكر كانوا اهلي مجتمعين عندي وقعدت اتنطط بينهم ومبسوطة وطبعاً قلتلهم كلهم واهل زوجي واليوم اللي بعده كان زوجي مسافر وهو خلاص رايح نزل عليّ دم قليل وانصدمت وبعد ماسافر رحت المستشفى مع اخويا وقالتلي ارتاحي واعطتني مثبتات لكن الدم زاد وجاني الألم واغمى عليّ بعدها بثلاث ايام كشفت قالت الله يعوضك الجنين نزل كان عمره 5 اسابيع انهررررت نفسياً لانه كان نفسي فيه مرة واول مرة اجرب الاجهاض واول مرة يصير في كده وجا زوجي من السفر حاول يهديني لكنه بعدين اعترفلي انه هو كمان اتحطم نفسياً ومو عارف ليش فجأة مو قادرة احمل ولما حملت اجهضت لكن حاول يغيرلي جوي ويقولي الحمدلله عندنا ثلاثة وخير وبركة وارتاحي دحين خلاص وقفي المهم بصراحة انا ماخرجت الحمل من راسي وتابعت مع دكتورة وقالتلي لاتحملي شهرين وبعدها سيبي نفسك وفعلاً الحمدلله حملت في بنتي الاخيرة وكنت حريصة جداً اول مرة اخذ مثبتات واول مرة انتبه على حركتي وايش اشيل وايش مااشيل واول مرة ماامشي وقت الحمل بالرغم اني عرفت بعدين سبب الاجهاض كانت اكلة اكلتها سببت تسمم للجنين لكن برضك اول مرة انتبه على اكلي وابعد عن الاشياء اللي ممكن تجهض حتى لو نفسي فيها الين الحمدلله ولدت بنتي بالسلامة….. دحين حاتقولوا لي طيب!!؟ ايش تبغي توصلي؟ دحين اقولكم حاكمل في التعليق اللي بعده👇🏻

العضوة: 1005822 , منذ 3 سنوات

@user-1025340 لا ماعندي أعراض بس ألم بالحوض بالليل بس و لا عندي مغص و لا عندي حتى طلق كاذب إن شاء الله يسهللنا على قريب و نقوم بالسلامة و إنتي عندك أعراض

العضوة: 659589 , منذ 3 سنوات

التكملة👆🏻 المهم حملت فجأة وانا ارضع بنتي وكنت منهكة وتعبانة واستغفر الله قالت الدكتورة لازم مثبتات عشان الاجهاض اللي قبل بنتي الاخيرة بس انا مااخذته قلت لو ربنا كانب يكمل راح يكمل لو ربنا كاتب ينزل خلاص امر الله🙈 مااخذت المثبتات واتراكمت عندي في البيت لانه زوجي يبغاني اسمع كلام الدكتورة وقررت مااقوله وسافرت اجازة الصيف اوروبا كنت في الشهر الثالث من الحمل واحنا من النوع اللي نعرف الاماكن ماشاءالله ونسافر بين المناطق ونعشق الطبيعة والشلالات والله ماخليت جبل ولا شلال الا طلعت ونزلت وكنت اشيل احياناً كثيرة بنتي الصغيرة حرفياً فرق شااااسع في اهتمامي وحرصي لما كنت حامل ببنتي وفي حملي هادا وبعد شهر رجعنا السعودية وماشاء الله الجنين ماصار له شيء ابداً … لما خلصت الشهر الرابع نزل علي دم قليل وبصراحة خفت وعاتبت نفسي رحت شيكت على الجنين قالتلي امورك طيبة نزل علي الدم ثاني وانا في الشهر السابع وكمان في الشهر الثامن بس كل مرة كان الدم قليل كشفت علي في الشهر السادس والسابع وقالتلي معاكي تقلصات وطلق ظاهر في التصوير وزادت لي المثبتات وقالت ماتوقفيها الين التاسع وارتاحي بصراحة انا مااخذت المثبتات وقلتلها انا دايماً ولادتي تتأخر بمثبتات دحين اذا اخذتها حاتتعسر ولادتي قالت لا موشرط وممكن نعطيكي طلق صناعي وفي خيارات ثانية وانتي اجهضتي قبل وهادا انذار ولادة مبكرة المهم بصراحة مااخذت المثبتات ابداً ابداً وقلت لو كان انذار اجهاض ولا حاينزل كان نزل وانا في الاجازة في الاشهر الاولى اتطنطط من جبل لجبل واجهاضي اللي قبل كان بسبب اكلة مو سبب ثاني وفعلاً مااخذت مثبتات وكمل حملي ماشاءالله الين دحين صرت 39 اسبوع ولسى ماولدت😂😂😩😩😩 مادري كيف كان حايكون وضعي لو اخذت المثبتات! المهم اللي ابغى اوصله يابنات انه سبحان الله كل شيء بيد رب العالمين حتى الاطباء مجرد اسباب يحاولوا يدلوكم لكن ولادتك في ساعة كتبها رب العالمين قبل ماننخلق انا من كثر ماكانت تقولي معاكي طلق ظاهر في التصوير والدم اللي نزل مني كم مرة قلت إن شاء الله حاولد اول يوم في التاسع🥲🤣🤣 وبس ياجميلاتي وسلامتكم ادعوا ربنا كثير وانا إن شاء الله ماحانساكم من دعائي الله يبلغنا جميعًا ساعة السلامة 💟

العضوة: 659589 , منذ 3 سنوات

الله يسلمك حبيبتي ويفرجها عليكي ويبعد عنك الاكتئاب 🌹

العضوة: 659589 , منذ 3 سنوات

عندي اعراض يجيني الطلق الكاذب تقريبًا يوميا وفيه ايام يكون مرة مؤلم وينتظم ساعة ساعتين لكن بعدين يختفي😑😑 كمان قبل اسبوع اعتقد او اكثر نزل علي شوية دم واولادي في العادة لما ينزل الدم تبدء السدادة تنزل وبعدها الطلق وقلت خلاص شكلها الولادة لكن اختفى الدم ولا نزلت السدادة ولا بدء الطلق😂😂 واستمرينا وصامدة الى الان الله اعلم متى ساعة الفرج

العضوة: 1025340 , منذ 3 سنوات

تقلصات والالام ونغزات ف المهبل واحيانا يشد بطني من تحت مره وتحجر البطن كثير

العضوة: 1025340 , منذ 3 سنوات

الله يسهل لي ولك ي قلبي ولكل الحوامل يارب ويكتب لنا الساعه الطيبه

العضوة: 659589 , منذ 3 سنوات

امين يارب

العضوة: 1195103 , منذ 3 سنوات

اذا بطني تحجرت وش معناته يعني ولاده ولا ايش؟

العضوة: 1195103 , منذ 3 سنوات

انا ف خلفاتي كلها ماجاتني ولا علامة ولاده ماعرف ف علامات الولاده كان يجيني بس طلق قوي فجأه وخلاص .. اتمنى تجيني علامه احس تخليني اتهيأ نفسيا للولاده مو فجأه كذا انصدم ههه

العضوة: 1025292 , منذ 3 سنوات

لا ماااعتقد انه صار ١٠ ايام على هلوضع واكو الم وي تحجر وبعدين يروح

العضوة: 1176860 , منذ 3 سنوات

@user-659589 سبحان الله هو قادر على كل شي

العضوة: 1176860 , منذ 3 سنوات

بنات الله يكرمكم لما ادخل الحمام واسوي حمام الحمام يكون ع شكل اسهال بس مش اسهال كتير يعني عادي طبيعي هل دى من علامات ولادة

العضوة: 227932 , منذ 3 سنوات

حبيبتي قرات بالنت انو قبل الولادة ادبيصير اسهال .. معناهه ولادتك اقتربت

العضوة: 1195103 , منذ 3 سنوات

انا جاني اسهال وانتي بكرامه قبل اسبوع جلس اربع ايام وراح والحين وضعي عادي بس تتوقعو ولادتي قربت ودي ارتاح😩