كيفكم بنات
اليوم قررت أشارككم تجربة ومخاطرة شوية يمكن تستفيدوا😂😂
انا إن شاء الله بكرة ابدء الإسبوع 36 واللي هو المفروض بداية التاسع لكن بالأشهر باقيلي اربع أيام فاراح أستنى الين أدخل التاسع بالضبط يوم 12 يناير إن شاء الله وأبدء تجربتي🤪😍😍
طبعاً هادا مو أول حمل ليّ وماأنصح أحد يقلدني لكن انا بصراحة حاجرب واللي حابة تتابعني وتتابع معايا إيش يصير الله يحييها🌹🌹
إن شاء الله كل يوم حاشرب شيء من اللي يفتح او يساعد على فتح الرحم وراح امشي مسافة معينة وراح أسوي تجارب البنات اللي بيسووها اخر التاسع لما مايكون في بوادر ولادة انا راح ابدء إن شاء الله من اول يوم في التاسع وماراح استنى اكمل كم اسبوع بصراحة🙃
للعلم هادا إن شاء الله الطفل رقم 5️⃣ ودايماً اولد نهااااااية التاسع😓😩 وهادي المرة حملت على الرضاعة بدون دورة وبصراحة مرررررة ثقلاااااانة الله يهون علينا الباقي ويكتب أجرنا يارب ويقر عيننا بأطفالنا سليمين معافين صحيحين الخلقة والخلق
راح انزل كل يوم ايش سويت وايش حسيت ومن هادا الكلام يمكن إن شاء الله ربي يكتبلي اولد بدري في التاسع وماأتأخر الين نهايته😓 وطبعاً موعد الولادة مكتوب عند رب العالمين وماحايجي قبل موعده لكن حأجرب واخذ بالأسباب لعل فرج الله قريب♥️
و احب أشكر كل واحدة مقدماً راح تنصحني انه استنى شوية وانه جداً بدري دحين لكن انا خلاص قررت و إن شاء الله ربي يكتبلي الخير ويحفظني ويحفظ جنيني استودعته الله 💟💟
العضوة: 1005822 , منذ 3 سنوات
بكرية و ولدت طلق صناعيالعضوة: 1178783 , منذ 3 سنوات
الف مبروك ولادتك... يتربى بعزك(((شلونه الم الطلق الاصطناعي وشكد بقيتي يالله ولدتي.. ورحتى اكو توسع لو ماكوالعضوة: 1064249 , منذ 3 سنوات
الله يسعدكم بنات بسألكم انا دوبي بالأسبوع ٣٤ ووزن البيبي ٢ كيلو وخمس ميه هل فيه احتماليه اولد طبيعي 😭😭😭تكفون ردو بكريه وبموت من الخوف والقلق اخاف يوصل الوزن ٤ وشي ويولدوني صناعيالعضوة: 1019746 , منذ 3 سنوات
صاحبة الموضوع ما ولدتي طمنيناالعضوة: 1014800 , منذ 3 سنوات
يارب سهل علينا وعليكمالعضوة: 1023856 , منذ 3 سنوات
يارب تكون ولدت وارتاحت وعقبالنا🍼😍العضوة: 1195103 , منذ 3 سنوات
لا عادي طبيعي وزن البيبي معاكي وماراح يوصل لاربعه كيلو هو حيزيد ممكن ل٣ وعليها وطبيعي كمان تجيبيه مو بعمليه طالمال وضعه كويس وراسه متوجه لتحت خلاص تطمنيالعضوة: 1152800 , منذ 3 سنوات
لتكون ولدت صاحبت الحساب كل يوم بجي اشوف شو صار معها 😀😁العضوة: 659589 , منذ 3 سنوات
السلام عليكم ورحمة الله وبركاته كيفكم بنات🌹 الله يسعدكم كلكم ويسهلكم يارب مشاعركم وخوفكم كأنكم اخواتي🥺 اسأل الله ان يجمعنا جميعًا في جنات ونهر كما جمعنا هنا في الدنيا يارب 💟 تحديث اليوم … اليوم كان موعدي الاسبوعي في مراجعة الحمل،، انا في الاسبوع 40 يوم الجمعة اخر يوم لي في التاسع💔 المهم الدكتورة دايماً تصورلي الجنين التصوير العادي عشان تطمن من وضعيته وتسمعني النبض كالعادة والحمدلله قالت النبض كويس والجنين على تحت لكن طبعًا لسى مادخل الحوض💔 قلتلها حركة النونو صارت شوية قليلة اليومين الماضية إن شاء الله يكون طبيعي بسبب ضيق المكان قالت لازم نسوي تخطيط نطمن وارسلتني اسوي تخطيط للجنين…. بعد التخطيط رجعتلها قالت فعلاً معاك حق للأسف التخطيط جداً سيء! الصراحة انصدمت 💔💔 المهم قالتلي لازم اسويلك تنويم ولادة طوارئ واولدك اليوم نحاول بطلق او عملية ! المهم انا رفضت قلتلها لا انا لسى باقيلي ثلاث ايام في التاسع ماابغى استعجل وانا رحت الموعد ماكنت اكلة يمكن هادا سبب خمول النونو قالتلي انتي بتخاطري بالجنين وممكن يموت! بسم الله على جنيني استودعته الله الذي لاتضيع ودائعه .. وافقت تكشف عليّ وتسويلي تحريض كشفت وقالت الرحم لسى مرتفع جداً والاغلب ماحايفيدني التحريض اخر شيء قالت خلاص اتنومي عشان نعيد تخطيط البيبي طول الليل ونسويلك تصوير تفصيلي إن شاء الله نطمن على البيبي وبعدها نقرر ونشوف ايش يصير … انا دحين في المستشفى منومة حاطين جهاز تخطيط النونو و الله يكتبلي الخير انهرت بكاء العصر لمن فجعتني على النونو وخايفة مووووت اجرب الطلق الصناعي من جديد المرة الاخيرة مافادني بالعكس اختفى نبض بنتي في حملي السابق وسبب لي بداية انفصال في المشيمة لكن فوضت أمري الى الله وسلمته نفسي وجنيني الله يكتبلي الخير يارب ويسهل علي وعليكم ويحفظنا واجنتنا ويقر عيننا بسلامتهم يااااااارب عاجلًا غير اجلاًالعضوة: 1178783 , منذ 3 سنوات
الله يحفظلج جنينج يارب... اني همات َمثلج اخر يوم بالتاسع السبت وهمات حركة البيبي قليلة جدا... واصلا اني عندي الماي قليل خايفة بس لا بسبب تجزبتنه اهواي امور هي تعبت البيبي . الله يحفظة الج ويكومج بالسلامة((اذا كان التخطيط مو تمام لاتجازفين وخلي يخلون الج اصطناعي))العضوة: 1019746 , منذ 3 سنوات
ربنا يقر عينك بشوفة جنينك سليم معافىالعضوة: 1010523 , منذ 3 سنوات
@user-659589 ألف لابأس عليك تقومي بالسلامه إن شاءالله انتي والبيبي بأتم الصحه وعافيه طمنينا عليك 🥺العضوة: 1010523 , منذ 3 سنوات
نا الخميس نكمل التاسع الحمدلله اموري تمام والبيبي اكويس لكن ماعندي بوادر ولاده مع اني اكلت ودرت كل شيء يسرع الولاده ربي يسهل علينا ويقر اعيوننا ب شوفت اطفالنا ب صحه وعافيه وسليمين العقل والدين والبدن والجسد🤲العضوة: 1210349 , منذ 3 سنوات
انشالله توقمي بلسلامه انتي والبيبي اني هم مثلج بنهايت الثامن وجاني وجع يومين وحصه انو حركت البيبي قلت معقول يكون نفسكالعضوة: 1030909 , منذ 3 سنوات
@user-1014800 وانا هيك وصلت لهلمرحلة مع العلم اني مو بكرية