4 years ago
  • المرحلة الأولى ( اول 3 اشهر)
سلام عليكم بنات عندي واحد المشكل او نتمنى لي دازت منه تفيدني انا حاملة فشهري اللول او ضهري كيضرني بزااف كتر من لقياس مكنقرش نبقا واقفة بزااف ولا نجلس بزاف فحمالتي الولة دازت عادية مضرني والو هاد المرة ضرني ضهري خصوصا بنات ايسبانيا لي كتعرف حل لهادشي تفيدني الله ارحم الواليدين

10 تعليقات

العضوة: 1067030 , 4 years ago

واش دكيتي إبرة تاع ضهر ف ولدك لاول

العضوة: 412158 , 4 years ago

@user-1067030 وييه اختي عملتها او غير بزز مني كنت غاديا نموت او مبغيتش نفتح راك عارفة هنا خاصك تسني على واحد لوراق كتعطيهم ليك الماطرونة هيا لي كتجمع دوسي كامل باش دفعيه ليهم ايوا درتها او تنادم معايا لحال سم كيسرح ليك مع سلسول

العضوة: 1067030 , 4 years ago

حتا انا عملتها كنت غا نموت بزز باش درتها ولكن راه رحمة نزلات عليا قلك هيا من مورها الى ولدتي كيضرك ضهرك

العضوة: 412158 , 4 years ago

@user-1067030 انا راه كنت مغيبة حاسة بكلشي او ماحلاش عيني غير داروها ليا نعست هههههه نزلت عليا الرحمة كرفست راجالي معايا كانت كتجيني الوجعة او نقول لراجلي حك ليا ضهري باش نسخن او تمشي الوجعة لقيت الراحة او هو عيا مسكين تخيلي من صباح حتى ل22 عاد ولدت او مطلعيني لبلاصة ديال لفتيه معولين انه غاديا توقع شي حاجة ايوا كرفسوني بالمعقول او كملتها بالغراز ناريي منساش ايامي والله العضيم

العضوة: 1067030 , 4 years ago

اختي حتا انا تعدبت بزاااف انا الوجع شدني مع 3 تاع ليل كان خفيف مخلنيش نعس متجهد عليا حتال 11 جا راجلي مع 1 من الخدمة صابني كنبكي قلت ليه فيا الوجع اوا بقيت دوشت اجمعت حوايجي حتا هوا دوش مخرجنا حتال:2:30 مهم اوصلنا مع 3 متجهد عليا الوجع حتال 4 صافي مقديتش بقيت كنغوت اصافي وليت كنغيب انتف وجهي راجلي بقا غا كيشد فيا النطيح داكشي لداير بيا صافي حتال7عاد درت الإبرة ضهر حيت مبغاتش تفتح ليا لاولدة مولدت حتال9:30

العضوة: 412158 , 4 years ago

@user-1067030 وا نتي ابعدا ما مشيتي حتى شدك لوجع صعيب انا راه مشيت ندير غير كنترول قالو ليا والله لا مشيتي كنت محلولا ب 2 سنتيم خافو بقيت يومين او انا مكرفسة حتى سهل عليا الله مي كنت غاديا نموت انسولك فاش ولدتي مشداتكش واحد دوخة انا طبيبة علمات راجلي قالت ليه الى ناضت شدها راه غاديا تجيها واحد دوخة ايوا يا ختي غير نضت دخلت لبانيو خرجت طحت ديك ساعة غير شادني راجلي اما يتقسم ليا الراس محسيتش حتى قلت ليه لاش هزيتيني على انا كنت جالسة او وليت كندخل او نخرج فيالهضرة غير ارا يا فم او قول ضربتها بواحد نعسة يا ختي شحال حلوة منعاودش ليك عمرني محسيت بحلاوة نعاس حتال ديك نهار

العضوة: 1067030 , 4 years ago

@user-412158 شوفي رحنا دؤنا واحد الكروب اخر راه عيت نطاكي فيك مبغيتيش طلعي ليا هادك القديم راه تمسح

العضوة: 412158 , 4 years ago

@user-1067030 وايلي حيدوه حتى هو الله ياخد الحق فيهم لمهم شكرا بزاااف انا كنت مشغولة شوي عندي ضياف ايوا الله اجيبنا في صواب او صافي

العضوة: 1067030 , 4 years ago

كتبي تجمع بنات المغرب غادي اطلع ليك

العضوة: 412158 , 4 years ago

@user-1067030 لقتيني كنقلب على فين مطكياني ملقيتش انا غادا نكتب او لا ندخل نقلب معامن مشاركة شكرا ازين الله احفضك