يا بنات الساعه 3 الفجر والنوم طاير من عيوني انا عايشه ببيت عيله ماخذه غرفه ومنافعها مع مطبخ صغير خاص فيي زي غرفه ماستر يعني ببيت مع عيله يعني بنفس الشقه مش منفصله غرفه نومي عقبالها غرفه نوم حماتي والي يقعدو فيها يعني معيشه ونوم مع بعض المهم يا جماعه صرلي 5 سنين الا شوي متجوزه الله وحده بعلم كيف قضيت هالسنين مشاكل من اهله /اهلي /قله مصروف/فقر /مشاكل بيت العيله /فضايح كل انواع المشاكل تعرضتلها جوزي متله مال اي زلمه مره بكون منيح ومره لا عندي منه ولاد عمري 21 وهو 34 المهم ي جماعه مشكلتي انه كل ما يصير بيننا مشكله بروح بنام بغرفه امه فيها تختين واحد فاضي للي بيجي من ولادها ينام عندها بنام عليه حماي توفى من سنه هي لحالها عايشه بس بيتها ما يفضى وبنام عندها ابن سلفي شب 14 سنه والي بقهرني انه بنام والباب مو مسكر بالقفل وجوزي نايم برا والله ما بلزم ينام عندها لانها اصلا عقبال غرفتنا النوم وازا عطست بليل بنسمعها واقسم بالله هيها عم تسعل سعله خفيفه وسامعتها حاليا والكل بعرف ازا زوجي بهداك اليوم نايم عندها يعني في بيننا مشاكل وانا زهقت من هالاشي والله مستحيل يتصلح هالموضوع حكيت معه واحنا متصالحين وقلتله ما تطلع وقت الزعل برا تعال بنتفاهم خليك عندي عشان نقدر نحل المشاكل عبسسسسس وقت المشكله نسى الحكي الي حكيتو اصلا وما حدا يقلي البسي وهيك واقهريه ترا اول اشي علفاضي ما يحس وتاتي اشي انا ببيت عيله وبنام بدون ما اقفل الباب وعملتها كتير وما تزبط معه مش نقطه ضعفه هالاشياء وهو ما ينام معي كتير اصلا يا دوب بالشهر مرتين ان كترت تلات وهيني صرلي والده 42 يوم ولليوم ما قرب او طلب المهم يا جماعه والله محروق قلبي ع تخليه عني هيك ما حدا يقلي اني ما حاولت اصلح الوضع ترا اخر مشكله سبني وسب امي ودعى علي حكا عني بنت حرام وامي بنت حرام ولما بالاخر قلبي هدي قلت انا اروح اصالحة قام قلي ما تلمسيني لا تنجسيني ف قررت اني اتركه بس هيو صرله يومين ما عبرني والقصه الزعل باختصار اني كنت عامله تعزيل شامل للبيت لاني طلعت من اربعين الولاده وكنت تعبانه وطلبت منه يجيب فلافل غدى قلي اه هلء اطلعلك مشوار بعيد عشانك ( استهزاء يعني ) انه ما بده يروح لاني انا طلبت حزنت ع هالكلمه وقعدت ابكي شافني ابكي انجن وصار يضرب فيني ويصيح علي ويدعي وبقلي اه عيطي ع فلافل زي الولاد الصغار وانتي ما عمرك صرتي زي النسوان وبلش يكبر بالحكي وانا اعيط وكل ما اعيط اكتر يزيد جنونو ويضرب اكتر لانه العياط بنزفزه ما بلين قلبه تعبت ي جماعه والله قلبي واجعني💔 مشقادره اكمل وطولت كتير هلء انا بكون غلطانه ازا بحاول اصلح الوضع واحافظ ع حياتي الزوجيه ودائما بقول فش كرامه بين المتزوجين بس هيك زودها كتير وشو اخرها ؟ هو مستحيل يرجع ويعتذر ما عمره عملها ولو ضل اسبوع وتنين وشهر اخرتني انا الي بنسى وبتعامل معه عادي وخلص هيك بنظره انه خلص الزعل وبنكفي حياتنا عادي والزمن كفيل يكون دوا لكل اشي بدي نصيحة من القلب شو اتصرف وازا فش نصيحة ادعولي