بنات اني بنيه يتيمه جنا بتركيا اني وزوجي وبناتي2 وزوجي مايگدر يجي للعراق حاليا سافر دوله ثانيه واخذ اقامه وديرتب حتى ياخذني اني والبنات واني رجعت للعراق على مود اوراق وتركيا دگتني منع لعد اگدر ارجع بين مازوجي يرتب اموره وروح نحرجت فرحت على اهل زوجي عائله 13نفر طبعا كلش احبهم احترمهم والله كلششي اسوي واتعب واگول اجر الي عدنا حمايه اعزب عمره 32 يضل عصبي كلش بناتي ربيتهن على التفاهم ابد ما صيح عليهن او اصرخ بوجوهن مثلا اني يتيمه عشت بتعب وگلت اعوضهن المهم سويت اكل اكلو وطلعت للحديقه اخابر زوجي وگلت ارتاح اجتني بنتي ترجف وتبجي ماما عمو صيح عليه انطيها مي مترضى تاخذ، ولا تشرب هنا عصبت ورحت علي گتله شبيها تسنيم گلي تعاند گتله ناديني من تعاند اخويه طبعها صعب فصرخ بوجها گتله ممنوع تصيح بوجهه حرام اهله گاعدين امه وبو وطلعت فحسيت انو هوه عمها وهلو گاعدين گلت ساعه عصبيه المفروض ما اگوله ممنوع فرحت گتله اني ام وعصبت اعتذر منك ومن عمتي وعمي اسف كلش وقبلو اعتذاري المهم زوجي گايله اخوي طفله هاي لاتصرخون بيها تجي بتفاهم وراجع على زوجي حجي بحقي گايله مرتك ما مربيه مرتك منافقه اذا عادت الكلمه اذبها بره والعن والديها مو ادمي زوجي تخبل ما حجا ويا اخو حجا ويا والده والدتها گللهم زوجتي موداشره اذا بقى يحجي عليها هيج راح اجرلها بيت وحدها ليش.... ماعرف اني عايله لو حمايه لان كبر الموضوع ومخلا احد ماحجاله برايكم منو العايل اني لو حمايه اعرف طولت بس مثل ماگتلكم اني يتيمه وحتى صديقات ماعندي مگضي وقتي ويا بناتي وحده ست سنوات وحده ثلاث سنوات اعتبروني اختجن لان نفسيتي تعبانهه احس عيالي كلهم ماخذين خاطر بس عمي وگف وياي گلي ماتطلعين من البيت تبقين يمي