السلام عليكم بنات انا رح احكيلكن قصتي وبدي اسمع كلامكن الحلو انا تزوجت من 8سنين وتوفت بنتي بعد الولادة بساعة وبعدها بسنة حملت واجهضت بنص الثاني وكلو كان بسبب طليقي انسان ظالم وسيء عذبني عذاب ما يتخيله مخلوق المهم انفصلت عنو الحمد لله والسنة هي الله كرمني بشب عزابي ملتزم وصاحب دين ونعم الزوج فورا حملت وانبسطت انا وياه كثير وحمدنا ربنا على النعمة من كم يوم اجاني وجع مثل الم الدورة بدون دم أو افرازات بنية الحمدلله فحصت ع السونار الحمدلله البيبي بخير وعم يتحرك وعطوني مثبتات وعم اخذ اسبرين وفوليك اسيد انا انسانة بحب الأطفال لدرجة كبيرة اي طفل قلبي يلهف عليه حاليا مريحة حالي ماعم اتحرك الا لضروي مثلا حط اكل لزوجي صلي اكل وارجع اتسطح بس احيانا برجع ألم أسفل البطن واحيانا بصيبني وجع بأسفل رجليني مثل كأني ماشية مسافة بعيدة ومعي شقيقة وحساسية اي الم أو تشنج صرت خاف خايفة كثير اخسر حملي كثير نفسي احضن طفلي ابن بطني واشوفوا بحظني حاليا انا حامل بالشهر الثالث فترة اسبوع وبفوت بالرابع خايفة والله العظيم عندي ايمان برب العالمين واستودعت طفلي مو خايفة ع حالي خايفة ع طفلي انا بالغربة وبعيدة عن اهلي وزوجي دوامو طويل بحاول اشغل نفسي بس اي تغير أو تشنج أو ألم بخاف وخائفة كثير من وجع أسفل بطني مرات بقول من غزات مرات بقول كولون عصبي مرات بقول التهاب مرات بقول العفو من قلة الاخراج مو عرفانة ليش عم يجي الوجع ويروح بدي يختفي وماظل متوترة اكيد رح نقول النفسية تلعب دور كثير بحاول شجع حالي واشغل حالي بس لاني خسرت بنتي بعد الولادة بساعة ومالحقت شوفها بحس بخوف بدي الوجع يخف بدي يكون حملي منيح كل فترة بروح ع موعدي وملتزمة بأدوية ومابخبص بالاكل كثير ومقيمة أكل وبشرب مي منيح بقول بتحمل بكى الطفل وسهر الليل وركض وراه بس يجيني بخير على الدنيا وبخاف لاني كنت كثير متعلقة بوالدي وتوفى الله يرحمه بخاف من كثر التعلق بطفلي بخاف اخسر طفلي يلي حبيتو من قبل ما يجي بدي اسمع كلامكن لعسى وعسى قلبي يرتاح حاسة حالي لحالي بالغربة مع انو زوجي الله يوفقه مو مقصرة معي من كل النواحي سند عظيم وكل شي بنفسي بجيبوا رقم ماديتو القليلة وضعنا السيء قاعدين بغرفة عند قرابينا ما تنهينا باول ايامنا بسبب ضعف راتبو ماقدرنا ناخذ بيت ومع هيك نتحمد الله في سقف يسترنا بس كل همومي الغربة وبعد الأهل وضعف الوضع المادي كل متحملتو بس خوفي ع حملي كثير تعابني بدي اسمع كلامكن وكلنا ولاد ادم يعني اخوات بدي دعواتكن الحلوة ربي يجبر خاطري بشوفة طفلي بخير وسليم وعيشوا احسن عيشة وربي يكرمك كل بنت نعمة الأمومة نعمة ما بتتقدر بثمن