الحمدلله حمدا كثيرا طيبا مباركا فيه ولدت بالاسبوع ٣٩ بعد معاناة مع الخطر اللي حصل لي و للبيبي الحمدلله رجعنا من موت محتوم لولا رحمة ربي الواسعة طبعا مجهزه اغراض نفاسي كلها على انه ولادة طبيعيه ما عندي اي مشاكل الحمدلله لكن قدر الله بلمح البصر تتحول لعملية انقاذاً لروحي و روح طفلي رحت موعد مراجعه لقو موية البيبي ناقصه مررره متبخره قالو تنويم وبكره طلق صناعي وتوليد جا ثاني يوم اعطوني طلق مفعوله بطيء جدا بسبب نقص الموية قالوا نصبر اكثر نعطيك طلق ثاني و صار حار علي ونزلت السدادة و فتح الرحم ١ ونص قالو الطلق الثالث عشان يفتح اسرع ما عندنا وقت عشان موية البيبي ما تأثر على نبضه يضعف وللاسف كأنهم ما حطوا شي لا طلق بارد ولا كذاب قالت الدكتوره ضروري نعطيك اخر جرعه طلق البيبي مايحتمل ينتظر اكثر اخذتها وحيل الطلق صار قوي وفتح الرحم ٥ سم وقتها جت تبي تفحص الدكتوره كم وصل عشان ننزل على الولادة الطبيعية الا باقي ٥ سم و الطلق مستمر مستمر انا متت من الالم اصارخ ما قدرت اتحمل صار ناااااار رجعو فحصو بعدها بشوي الا باقي ٥ سم قالو اصبري .. وكل ذا الوقت وانا اصرخ من قوة الالم كانت اعراض موت محتوم بالنسبه لي خلاص انا جالسه استشهد ما قدرت اتحمل اقول مستحيل قوة الطلق ذا ومستمر ٣ ساعات وانا تعبت تعببببببببت قال الدكتور تحملي باقي شوي بس فجأه الا البيبي انحرف اقصى االيسار كأنه دخل بظهري !!!! يحاولون يرجعونه مكانه مو راضي وبدا يضعف النبض عنه قرر الدكتور تحريض حرض اول مره ما ضبط جت الدكتوره حرضت مره ثانيه وتنفصل المشيمه الى اجزاااء بيدها انا شفتها بيدها صرختتتتتتتتت وهي خبتها ورا ظهرها خافت علي ارتبك اقولها دكتوره هذا ايش تقول لا تخافين م فيه شي وقتها ماما راحت تصلي وترجع لي تتطمن علي رجعت ماما مالقت الا بقايا لحمم المشيمه على سريري والنزيف اللي صار لي انا اغمى علي دخلت بغيبوبه من قوة الالم والصراخ ودخلوني عملية انقذو روحي و روح الطفل اصحى دقيقه من الغيبوبه اطالع نفسي انا بغرفة عمليات واسال الدكتور طفلي عايش؟ حلفتك بالله قال روحك اللحين اهم ارتاحي ما تحملت الرد منه توقعت فقدت طفلي، اغمى علي من جديد ٣ ساعات وانا غايبه عن الوعي صحيت بغرفة الافاقه اهلي يبكون واهل زوجي والكل مصدوم كيف رحمة ربي نجتنا ارعب موقف صار لي ارعب شعور ارعب شي بحياتي مريت فيه سبحانك ما الطفك تبدل الحال بلمح البصر اتكلم لكم من غرفة العناية العمليات وافضفض عن ابشع شي عشته انا بخير وطفلي بخير والحمدلله حمدا كثيرا طيبا مباركا فيه و ابشركم اني غلبت زوجي بالجينات طلع ولدي يشبهني هههههههه وهذا ااهم شي نساني لحظات الموت المحتومه