منذ أسبوع
  • مرحلة مابعد الولادة
البارح وديت ولدي اطعمه السنه و٦ شهور والدكتور سواله فحص .. فحص تحت العضو ويسألني يقولي تلاحظي اوقات الخصيه تنزل في كيس الصفن وترتفع ولاماتركزي قلت له ماادري مااركز ولا اعرف لهالشي قالي هو غالبا تنزل ع طول بعمر السنتين انتظري يكمل سنتين اذا مانزلت ع طول راجعي فيه عند دكتور مسالك بوليه .. كيف بنات يعني يكون شكل الخصيه وكيف اعرف اذا نازله في الكيس او مرتفعه😢مدري يعني من قالي جالسه احاتي يعني انا ماعرف اول طفل وثانيا انا مااذكر لم كان صغير كيف كانت بس حاليا موجود تحت عضوه كيس الصفن يكون خشن كذا منكمش من البرد اتوقع🥲لان بالصيف اشوفه لين بس ماركزت ع اللي يقول الخصيه وخوفني وموعارفه كيف بالله اللي مرت بهالشي ترد علي .. طبعا وقت ولادته ماجابو لي هالطاري وهذي اول مرا احد يفحصه من جبته دايم يعطوه تطعيمه بدون فحص اول مرا يفحصه الدكتور

27 تعليقات

العضوة: 1666646 , منذ أسبوع

اول مره يمر علي السؤال هذا !! وشلون يعني نازله وصاعده !! لاتشغلييين بالك الدكتور هذا شكله فاضي كل الاولاد الحمدلله محد فكر يركز بالخصيه دام كل شي طبيعي الحمدلله

العضوة: 1735048 , منذ أسبوع

ماعليك ولدي كان كذا خصيه معلقه اسمها وسوا عمليه ونزلوها وبسيطه والحين وضعه تمام اقري عنه الخصيه المعلقه

العضوة: 1735048 , منذ أسبوع

والاحسن تسوي العمليه بعمر صغير نفس عمره هذا

العضوة: 1683365 , منذ أسبوع

صحيح أختي انت لما تلمسين كيس الخصيتين تلمسي شي حبتين صغيري بداخلهم ولا فارغ

العضوة: 1748718 , منذ أسبوع

قصده الخصيه المعلقه وماتخوف المسي تحت اذا فيه كور ٢ فهو عادي انا ماعرف بس اسمع الحريم دايما يشكون بهالسوالف ويطلع فالسونار اتوقع

العضوة: 1170857 , منذ أسبوع

لا موفارغ الكيس بس ياخي لحس مخي ليش قالي كذا 🤷🏻‍♀️يعني احس فيه شي داخل خشن مو مجرد جلد

العضوة: 1170857 , منذ أسبوع

لاموفاضي معروف هالشي ولد بنت خالتي كذا عنده خصيه نازله والثانيه متعلقه وسووله عمليه نزلوها

العضوة: 1170857 , منذ أسبوع

كيف عرفتي من تحت الخصيه تكون شاده ولا لينه كأنها جلد فاضي ؟

العضوة: 1170857 , منذ أسبوع

مو هذا اللي خوفني انا مااعرف ولاعمري ركزت بهالشي

العضوة: 940894 , منذ أسبوع

انا اولادي اذا كانت لينه فيه كورتين واضحه تشوفيها بدون ماتلمسي الحين في الشتاء منكمشه سبحان الله ماتبان الكورتين

العضوة: 1170857 , منذ أسبوع

بنات طهرته الحين وتحسست من تحت مافيه مثل الكور اللي قلتو 🥲حسيت فاضي مافيه شي داخل

العضوة: 1170857 , منذ أسبوع

يعني حتى لو المس مااحس فيها؟ والله ماادري يااختي ماعندي خبره بالموضوع ومدري اذا اول فيه او لا حدي اطهره ماجا فبالي هالشي ماالمس

العضوة: 1170857 , منذ أسبوع

تضل منكمشه في الشتاء ولا تنزل ؟ يعني انا ماادري صراحه بس حاليا منكمش وماحسيت فيه شي

العضوة: 1170857 , منذ أسبوع

بس مو صايره جلد لين لااا منكمشه وخشنه شوي وفيه زي اللون ابيض من داخل اذا رفعتهم من الجهتين .. احس شككني بالأخير طبيعي بس انا ماعمري شفت طفل او تعاملت مع طفل ف مدري اذا طبيعي ولدي او لا بس استغربت لو فيه شي كان قالو لي وقت ولدته لان لم صارت عنده مشكله بشرب الحليب رفضو يعطوني وياه لحد ماصار تمام

العضوة: 741548 , منذ أسبوع

افضل شيء تحسيها وانتي تحممي بماء دافي لانها تبان ويكون مسترخي تحسي زي الكوره داخل الكيس