المهم انا عندي ولد عمره سنه وعليها تقريبا ومن بعد ماصار يحبي ويتقلب ويمشي وزوجي يحاسبني على كل شي سواء طاح ولا بكى يجي يقول ليش ماتنتبهين له ولا ليه يبكي واحيان يقولي وش سويتي فيه ليه يبكي و مرات لمن كبر يقول انك انتي تقرصينه عشان يبكي واصحى اي تذكرت قبلها كان على غسيل الرضاعات انك ماتنظفين ولا تعقمين عشان كذا يصيح من بطنه ولمن صار ياكل يناشبني ع الاكل وش اكل وش شرب وانك ماتنتبهين لتغذيته وحتى لمن يمرض ولا يجيه شي على طول يفصل ويعصب علي انتي اعديتيه وانتي وانتي للامانه انا وقتها لمن يتكلم ويهاوش كنت اقوله خذه انت سكته ولا اذا ع الاكل اقول ولدي واعرف وش اعطيه مايخصك و ع الطيحات اقول انه طفل وطبيعي لا تحاسبني واذا تعب اقول ترا المرض من ربي مو مني بس ابدا مايهتم لي ولا لمشاعري ماغير يهاوشني كرهني فيهم ويقول ماعلي منك دايم اهم شي ولدي وتدرون وش اللي يقهر اكثر انه بعد مايفصل يجي يتكلم عادي واذا كنت زعلانه ولا اعطيه وجه يعصب علي زياده ومرات يجي يقول وشفيك علميني واذا قلت له يقول خلاص معد بعيدها ويرجع ويعيد نفس التصرفات كل مره لدرجه حرفيا مرتين طلق عشانه وكلها ماتسوى حرفيا بس م اعرف ليش يكبر المواضيع لهدرجه واحس صرت اخاف لا بكى طفلي لايجي يفصل غير كذا انا حامل بالثاني ولاني مستعده يرجع يعيد نفس التصرفات ساعدوني وش اسوي 😔