4 years ago
  • المرحلة الأولى ( اول 3 اشهر)
بنات الحمل صعب ولا لا عطونى تجربتكم عن الحمل انا في الشهر الاول ومره متوتره ساعدونى ابعد عن الافكار السلبيه

3 تعليقات

العضوة: 1307075 , 4 years ago

الله يهون عليك يارب وتولدين بالسلامة .. أبداً اكبر خطأ تاخذين تجربة احد وتقيسينها على نفسك ❤️ انا ام ل طفلين الحملتين مختلفين تماما عن بعضهم وحتى سيناريو الولادة ولا وحدة تشبه الثانية .. انتِ الآن في فترة جميلة حالس ينمو داخلك كائن لطيف عيشي جمال هالفترة واستمتعي بنموه داخلك 🥺❤️ راح تحسين بحركته 🥹 راح يكون عنده روتين مثلا ينام طول اليوم ويصحى الفجر يرفس فيك 🥰 راح تحسين اذا جاته حازوقة ( بوفاق ) 😂 اذا كان ابوه يسولف معه راح يميزه ويتحرك كثير اذا تكلم ويصيرون حزب عليك 🥺😂 راح تعرفين جنسه وبنجهزين له ملابس صغنونه 😭🤣 اذا صرتي جوعانة ومااكلتي شي بتشوفينه بالسونار حاط صبعه ب فمه 🥺

العضوة: 1307086 , 4 years ago

يازينك والله اسلوبك يجنن وريحتى خاطرى

العضوة: 963411 , 4 years ago

حبيبتي الله يثبت حملج و يتمم لج على خير، الله سبحانه و تعالى ما يعطي الانسان فوق طاقته ابدا ابدا و كل شي صعب بالبدايه و عقب تتعودين و بتحبيين الشي و يوم بتشوفين الجنين فالسونار و تسمعين نبضه ل اول مره و بتحسين بتحركاته و يوم بينام بتتشوقين له و بتسوين اي شي عشان ينش و تلعبين معاه و من تربين بالسلامه بتتذكرين كل فتره مريتي فيها بفتره حملج و الشعور وايد حلو وايد والله و غير ها كله يوم بيحطونه بحضنج ماله وصف الصراحه احلى شعور بالدنيا كلها 🥹🤍