السلام عليكم أنا أتمنى تسمعوني انتم اخوتي في الله أنا ولدت من ثلاثة أشهر بعد عدة سنوات من عدم الانجاب والحمدلله الله وهبني بنت متل القمر لكن مشكلتي اني اندم اني جبتها تعيش مع هيك أب مجنون ومريض نفسي يا جماعة انا كان اختياري خطأ من البداية وحاولت اتطلق منه لكن ظروفي ما سمحت اهلي ما يسألو عني ولا يدعموني وانا كنت اتأمل يتغير لكن مع الاسف ممكن فترة يتحسن ويرجع متل قبل . مشكلته لما يعصب ممكن يعمل أي شي يقهرني واحيانا يعصب على اشياء تافهة ويستفزني لحتى لرد بوجهه واحيانا يضربني انا ما اسكت على الضرب واضربه لما يضربني لكن هو رجل وما اقدر عليه المهم هو مو كل مرة يضرب لكن لسانه سليط ويحاول يذلني ويقهرني وبعد بشوي يعتذر ويقلي ندمان هو بكل حياته معقد من مشاكل أهله لكن أنا شو ذنبي بكل الامور شخصيته غريبة مرات يحب الناس ويكون طيب ومرات يكون عدواني ممكن ياخذ قرار وبعده بدقيقة ياخذ قرار معاكس تماما .. انا بحاول احطكم بالصورة كنت لما افكر اتركه اتذكر أفعاله الحسنة واشفق عليه لكن ارجع اتمنى لو اني ما عرفته انا حاليا ام جديدة وهو حاليا بيرجع لأفعاله السابقة لانه بفترة حملي وخاصة اخر اشهر كان حنون لدرجة بدأت ارجع احبه وحاليا رجع لعاداته السابقة وما يعجبه شغلي بالبيت يعمل مشكلة ويوقف يتأمر عليي كيف لازم اشتغل وأنا ما اتحمل أقوله مالي جارية عندك وهاد شغلي ما عجبك روح لاقي حدا تاني ... صدقوني اتمنى يتزوج وارتاح منو صار صعب افكر بالطلاق ما بدي بنتي تعيش بعيدة عن ابوها هو يحبها ومتعلق فيها انا بحاول اتأقلم بحاول غيره ... يعني هو لما تصير نوبه الغضب عنده يحاول يستفزني لابعد الحدود كنت بخاف يصير معي انهيار عصبي منه لكن صرت اهدي نفسي وأقنع نفسي اني بتعامل مع مجنون ولازم طنش لكن بعد بشوي يرجع يندم ويعتذر ويحاول يعوضني يمكن هاد الشي الوحيد يلي مصبرني لكن شو الفايدة اذا الشخص بيأذيك ويرجع يصلح يلي ينكسر ما يتصلح وانا بعد ما رجعت حبيته من جديد رجعت أكرهه ارجوكم انصحوني الكلمة الطيبة صدقة وممكن تخفف عني أنا بحاجتكم