وانا ما عندي اخوات او معارف كثير وعمري ٢٠ وما افهم بهالامور ، السالفة ان جدتي ام ابوي تكرهنا وتكره امي وخربت كثير أشياء بحياتنا لدرجة ان لما خطبني زوجي خربوا علينا الخطوبة وما قرينا الفاتحة وأحرجونا قدامهم بس تفهمونا ورجعوا خطبوني.. المهم بعد كل هالاحداث ما حد مننا يروح عليها بس ابوي يروح ومرات يقول لنا نجي واحنا نرفض بس اختي الصغيرة تقبل عمرها ٨ الحين . وعماتي يحرجوني قدام الناس بالعزايم كثير مثلا آخر موقف صار الي خلاني ما امد يدي اسلم عليهم هو ان ثنتين من عماتي سلموا على الكل وانا قمت اسلم ورفعت يدي وشافوني وقلبوا شفايفهم وراحوا عني حطوني بموقف قذر وما رجعت سلمت عليهم . ولما تزوجت بدأ عمي يقول لزوجي ان زوجتك ما تسلم على جدها ومن هالكلام ، رغم اني سلمت على جدي بس ما عرفني هو معه زهايمر وزوجي قال لي انه حرام وصلة رحم ومن هالكلام وبوديك عليهم وهو ما يعرف مقدار المشاكل الي جابوها لاهلي لدرجة انهم حرصوا اخوي الكبير على امي وقت ما كان ببداية البلوغ وصار شوي ويمد يده عليها من كثر ما كرهها من وراهم وبعدين كبر وفهم وكان إذا حد من اخواني سوا مشكلة وهو غلطان وابوي يبي يعاقبه عشان ما يكررها أعمامي يأخذوه يقولوه احنا احن عليك من أبوك شوف كيف ما يتفهمك وما يهتم فيك انت ما لك غيرنا ويأخذوه لطريق غلط وانا كارهها أشوفه بعيني خصوصا تنمر عماتي على شكلي للحين ما أنساه ، ومن كثر الإحراجات قدام الناس وقفت اسلم عليهن الحين قبل شهرين اتصلت وحدة من عماتي على اخوي تقول له أختك ما تسلم علينا وايش هالتربية وربيها وانت ليه ساكت لها واخوي كلمني قلت له هي لما نكون وحدنا تعاملني بشكل كويس وقدام الناس تحرجني وتلف عني وتبين للكل اني مذلولة عندها والي جاب طاري هالمشكله هو امس جدتي كلمت ام زوجي تقول لها " زوجة ولدك ما تسلم علي ووالله أنا لو شفتها انا بقوم بسلم عليها بس هي تحاول ما تخليني أشوفها " وهم ما بينهم اي علاقة ، رغم اني سلمت على جدتي وقالت لي قدام النسوان " مين انتي ما عرفتك " قلت لها فلانة بنت ولدك فلان قالت " والله ما عرفتك كيف حالك " والنسوان أكلوني بعيونهم وقالوا لها بنت ولدك ما تعرفينها وصارت تهز برأسها وتقول والله ما يوروني وجوههم وقسما بالله يا بنات ان قبلها باقل من شهر كان عرس ولد عمي وكنا ببيتهم اسبوع تشوفني واشفوها ومستحيل ما تعرف مين انا كان وااااضح جدا اني بنت فلان يعني موجودة مع البنات وينادوني باسمي ما في ولا إمكانية ١ بالمية انها ما تعرف !!! انا الحين متضايقة ان كل هالسنين ( تقريبا ٨ سنوات ) ما خطر على بالكم تقولوا لابوي جيب اولادك ولا جيب بناتك ولا بناتك ما يسلموا !! ولما تزوجت جيتوا تفتنوا وتقولوا لام زوجي ولزوجي!!!!!! وانا يا بنات خايفة أتقرب منهم وخايفة ان زوجي يحطني بالأمر الواقع يقول لي بوديك على عزومتهم لان والله يا بنات لا تقولولي صلة رحم انا سالت وقالوا إذا فيه ضرر مو مجبورين نزور يعني وصلت فيهم تحريض اخوي و س ح ر لامي وابوي عشنا ايام زي الزفت ما أنساها رغم اني كنت طفلة ، وشفت الكره والحقد بعيوني