انا في ولادتي الاولى كان عندي ملشي منيح وكلشي طبيعي،دكتور قلي رح تولدي طبيعي حتا من الجنين كان نزل للحوض وكلشي تمام،بلش يجيني الم عرفتو الم ولادة رحت المشفى ولدت بكورونا المهم وضغي مان صعب ماديا رحت للحكومي قالولي فاتح الرحم سنتيمين رح ضلي هون ضليت بالمشفى وممنوع حدا يضل معي ضليت لحالي كل شوي تجي وحدة تراقبني من تحت بايديها الم مو طبيعي تقلي لس مع تلاتة الفجر اجت قالتلي اربع سنتيم ولادة قلتلا لا لس بكير وماعندي طلق ومانزلت مية الجنين قالتلي مارح تفهمي احسن مني هي بس متدربة المشكلة اني انا كمان دارسة التمريض وبعرف بها الامور المهم فوتوني لجوى تقولي ادفعي بقلها شو بدي ادفع؟ماعندي طلق ولا الم الولادة الحاد تقلي ادفعي ماسمعت كلامها دخلت المقص جوى وفقعت مية الجنين وهالشي انا بعرفو غلط بلشت اصرخ عليها واقلها بدك تقتلي بنتي قالتلي بس ساعدتك المهم بعدها اجاني الم مو طبيعي بس الرحم ما انفتح ومافي طلق وانا اصرخ من الالم ضليت هنيك من تلاتة فجر لتامنة صباحا مافي ولادة عملولي طلق اصطناعي مافي الم المهم طلعت من الغرفة بسرعة اتصلت على امي وخبرتها امي اجت واتصلت بمدير المشفة يعرفو ابي واجا المدير وفات لم عرفوني بعرفو خافو كتير وضلو يطلبوني ما اقول شي هداك المكان متل جهنم كان اجا دكتور وشافني قالهم الرحم مفتوح 10 سنتيم بهداك الوقت اجاني طلق والم مو طبيعي بس للأسف الجنين كان نشف ودقات القلب نزلت وطلع لفوق ماضل بلحوض وفوتوني للقيصري بعدما جربت كل الام الولادة الطبيعية الي ما اتحملتها هلا الطبيب قلي فيني اولد طبيعي وهاد افضل شي الي لانو فات على العملية خمس سنوات وخايفة كتيييييير لاني جربت كل الالم بس ماجربت خروج الجنين والقيصري التعب الي يكون بعدين مو طبيعي شو رأيكم اجرب اولد طبيعي؟لانو عندي بنت صغيرة وبدي اتعافا بسرعة