يابنات كلنا هون حوامل ومتجوزات ..اش رأيكن ببنات هجيل الطالع شي عتكتوك وشي عل صفحات فيس بوك وفلاتر ولبس مشلحح ومااشيات عكيفن عايامنا ماكان هشي كانت لبنت اذا بدا تطلع الف معاملة من الاب والام وممنوع مكياج بطلعة يعني باختصار عم تشكل بعقلي مقارنة كيف جوزك بدو يطلع ععليكي من ورا هلاشكال لاتقليلي لازم يغض نضر مابي واحد إلا ماعندو هل برامج اللي البنات مزدتها كتير ...يعني قد مالبستي وتزينتي ودلعتي مارح تصلي لنص نتيجة طالعان بيها هن وزوجك حفضك وحفض ملامحك يعني صفيتي روتين وغير الحمل ورضاعة والولادة كفيلة بتخريب جسمك ...اش رايك احكي بدي اسمع رايكم....اكتبوا تعليقاتكم ونا بس اخلص شغل لبيت بشوفها😁😁
العضوة: 432671 , 2 hours ago
الله يصلح النيه والذريةالعضوة: 2111921 , 2 hours ago
@user-2199799 الرجال قبل كانو راكضين ورا شغلهن شغل قبل تعب ماكان في مواقع تواصل فكان اغلب كلامهم عن الدين والإلتزام وحتى لو ما كان متدين كان كلامهم عن الرجوله والشهامه الرجال هنن اعمدة البيت فكان بيرعبو العيله طبعاً عالحق والاخلاق الحميدة كانت الصبيه ما تطلع الا من البيت عالمدرسه وازا روحة عالسوق فقط مع اهلها بوقت صار فيه اشباه الرجال طبعا اولادهم راح يكونو هيك ياريت الدول العربيه تحظر. هالمواقع وتعمل دروس توعيه او دينيه بلكي تخف هالصياعهالعضوة: 1370897 , 1 hour ago
القصة مو بس غض نظر هون بدك تطلعي عالقناعة والخوف من الله ازا زوجك مقتنع فيكي ازا بشوف ملكة جمال العالم وبلا تياب مابتفرق معو ومو شرط التواصل الاجتماعي الشوارع مليانة اكتر الله وكيلك ازا الرجال مو مقتنع بحلالو غسلي ايديكي منو اعطيكي مثال انا عايشة بأوروبا وهون في أشكال ألوان وبالشوارع مليانين خصوصي بالصيف لابسين من غير هدوم 🥴😂ومع هيك مابتفرق معنا وملتزمين قد مافينا بالبيوت وزوجي من الشغل للبيت بس كمان الا مايضطر الواحد يطلع ويشوف هالشوفات بس الحمد لله على نعمة القناعة وعلى سيرة التواصل جوزي ماعندو غير واتس وانا واتس وفيس ومع هيك مابتابع غير طبخ والمكياجات وهالشغلات وفينا ننزل المواقع بس قناعة انو مكتفيين بالحلال وملتزمين بالدين وهاد كلو تجميل وتصنع اصلا مابقى عرفتي الرجال من المرة من كتر التحول الجنسي يا لطيف صرنا بآخر زمنالعضوة: 2182014 , 1 hour ago
حبيبتي الشغله مو برنامج او بنات او شيء هلا مستحيل ما في زلمه ما بيطلع مستحيل ان شاء الله كان شيخ بس في شيء اسمه انه الزلمه يكون عنده قناعه واول شيء يكون مقتنع بالشخص ذاته هي اللي هو عايش معه وثاني شيء لما الزلمه يتعلق بالدين ويتعلق بصلاته صدقيني هذا لون الشغلات بيصيروا عنده تافهه وبكون بيشتغل والله العظيم ما بتفرق معه بيقتنع انه شو الله اعطى بيقتنع بالشخص هو انا عم بحكي عن تجربتي انا زوجي الحمد لله بعد ما تزوجنا صار قريب اكثر من رب العالمين وتعلق بالدين اكثر وبعد عن كل الشغلات اللي مو منيحه اصلا وكل وقته بالشغل ما عنده وقت غير بيجي بيقعد شوي بحط راسه بانام والحمد لله رب العالمين قعدت اشوف في فرق فالقناعه هي بتجي للرجل نفسه يعني اول ما تزوجت كان يطلع وكان ما بعرف شو وبس بعدين لحاله بطل فكره انه انه صار عندي بيت صار عندي مراه صار عندي اولاد صار عندي مسؤوليه صار عندي شغل فلا تواصل ولا غيره يا اللي مقتنع فيك مقتنع بس اللي عينه لبره فهذا حتى لو ما كان في شيء اسمه تواصل اجتماعي راح تضل عينه زايغه