10 minutes ago
  • المرحلة الأولى ( اول 3 اشهر)
بنات خالتي ام زوجي اليوم قالت لي كلام اوجعني وانا وحام وتعبانه وصدق اخذت بخاطري منها احنا عائله ساكنين سوا بس لي شقتي الخاصه وماعندي بشقتي الا حمام واحد وعند خالتي بالحوش حمام خارجي مايستخدمونه وتسخدمه عاملتي وقت اجازه نجي هالبيت ونمشي وهي جت له وانا كنت توي راجعه للمدينه وهي راحت الديره لقت الحمام فيه اغراض شخصيه لعامله كيس للراس وليفه وكذا وتقول ان الحمام وصخ وليه ماهي منظفته ليه مافتشتي وراها انصدمت من الكلام وانا موصيه العامله تنظف كل شي وراها وحقتي للامانه مره نظيفه قلت لها كلمه ( اسالي عاملة بنتك يمكن دخلت الحمام بعد عاملتي وكذا ) هاوشتني بصريح العباره وش دخل عاملة بنتي وش يجيبها هنا ومن هالكلام وبالاخير طلع كل الاغراض الموجوده لعاملة بنتها واعترفت قالت هذه اغراضي المشكله وين ماجت اعتذرت كتبت كلام ماعليش طلعت اغراض عاملة بنتي ورجعت حذفته قبل اقراء شفت الكلام من برا وللحين عملت نفسها ان شغالتي غلطانه وشغالة بنتها معها تقول كلهن وصخات طيب وانا الي هاوشتني على شي مظلومين فيه انا وعاملتي الواحد يسال يستفسر بعدين يستنفر على الناس ليه سوء الظن وفوقها استكثرت علي تعتذر انها شككت بكلامي وحذفته السؤال : لو اسولف لزوجي عن الموضوع اعتبر افتن بينهم ولا اسكت واتحسب ربي مابي ولدها ياخذ بخاطره عليها بس انا مررررررره زعلت تشوفون الموضوع تافه عندي ولا اوجعني ماهي حاطه لي قيمه ولا ماجت تهاوشني كذا ولا تاخذ كلامي بعين الاعتبار ويمكن يكون صحيح ! احبها واعتبرها مثل امي بس تصرفها زعلاني مره دموعي على خدي

4 تعليقات

العضوة: 2453433 , 4 minutes ago

طنشي ووكلي امرك لرب العالمين

العضوة: 2321279 , 4 minutes ago

حبيبتي احتسبي الأجر واعطي امرك لربك ولا تقولي شي لزوجك لانو يمكن رح يتقبل الموضوع على انه تافه وأنتي تبي مشاكل او انك ماتحبي أمه وتبي تفرقي بينهم انتي عارفه زوجك وطبعه لو إنسان متفاهم صاريحه لاتخلي بخاطرك وربي ياخذ حقك منهم ويقومك بالسلامه يارب العالمين

العضوة: 2444580 , 27 seconds ago

مابي اكون مشاكل بين احد فما بالك ام وولدها حرام بس مالي الا حسبي الله ونعم والوكيل