5 minutes ago
  • ما قبل الحمل
انا عمري 29 سنة تزوجت بعمر 15 استعجل علي ابوي مشان يخلص من لقمتي ومصروفي ،، وقعت مع واحد حشاش سكرجي زاني نسونجي كل الصفات فيه بس حاليا تاب بعد تعب ومعاناة ،، ودار حما ما بعرفو الله عملوني ذليلة خدامة همي وجوزي،، جوزي مر بظروف مادية وامراض نفسية وامراض جنسية وعمري ما تخليت عنه اهلو يرموه وانا اطارد واعالج واوقف معه لاخر لحظة ،، اهلي بسالوش عني ي دوب امي تبعتلي تطمن وخلص ابوي من العيد للعيد تا يعرفني عشر دقايق ويطلع ،، انا عندي 5 اولاد اولادي متل دار سيدهم بحبونيش ودايما بشوفوني غلطانة جوزي عطول كاسر كلمتي قدامهم عطول هايني وبصرخ علي ويا ويلي اذا حكيت مع ولد بعملي نكد ومشاكل الله بعلم فيها،، طبعا كلشي ممنوع،، ممنوع اطلع ممنوع اعبر عن شعوري ممنوع احكي مع ولد بعصبية او بنظره بصير عنيفة ومتمردة وهو بحبش يشوفني هيك وانا لحالي بربي هو بس بتفرج واذا ما عجبو الاسلوب يا ويلي ممنوع احكي مع صاحباتي لانه بنظره هدول بلا شرف ممنوع احكي مع اختي لانه بنظره اكيد بتفسد بجوزها عني وحتى امي بس تحكي معي شو بدها وببلش تحقيق ،، وشكاك لدرجة لا توصف ان سكتت ابصر بمين سارحة ان حكيتلو بدي اطلع عند اهلي ابصر للي بدك تطلقي في حدا براسك ،، قدام الناس نبي ما حدا بسدقني انه هيك بعمل فيي وكل الناس باي اشي بحطو الحق علي لانه بارع بالمثيل متل امو اللي ما بتخاف الله ،، اهلو حطو بشرفي وشوهو سمعتي ما خلو حدا يعتب بيتس وهو بعرف وساكت والله لو اضل احكي ما بخلص انا مشكلتي تعبت صابني امراض بسبب الكبت والكتمان تعبت اعصابي كل يوم مشاكل وبحط الحق علي هو وابني الكبير بوقف مع ابوه وبحط الحق علي ،، حتى اذا بقعد ادرس الاولاد اتركيهم مش هيك اللي بدرس وهو ما بعرف اولاده اي صف وبقيم قيامتي اولادي طلعو متلو فاشلين ما بحبو المدارس ولا بحبو يفتحو كتاب. ،، تعبت حاسة بدي انجلط براسي بضل وجع بخلف الراس وصقل وكانه طنجرة وبدها تفقع لا قادرة اكمل معه ومع الاولاد اللي صارو يكرهوني متل اهلو ولا قادر اقول بدي اتطلق لانه محدا بسدقني رح يتهموني اني براسي حدا وبدي اتطلق مشانو لانه قبل مرة طلبت الطلاق واتهموني هيك ،، فيدوني بالله عليكم تعتبروني اختكم وتفيدوني تعبت واسفة عالاطالة هاد جزء صغييير من وجعي