حبيت افضفض معكم واحكيلكم تجربتي الشخصية انا تزوجت صغيرة وزواج تقليدي وانسان كويس جدا وهو الكبير في اخواتو الذكور وهو المتزوج الوحيد يعني انا اول كنة في العيلة وحملت بعد شهرين من الزواج وكل اموري تمام وعشت مع اهلو كانو ناس طيبين والحياة ماشية عادي لكن مع الوقت اكتشفت في شخصية زوجي واهلو عندهم نفور وكره للبنت بشكل مبالغ فيه وعشق لذكر يعني يميزو كثير كأن العقلية تقليدية جدا وهالشي اثر علي كثير صار كأن لازم اجيب صبي حتى ارضيهم لما حملت وكان زوجي من اول فترة وحم وهو يقول رح اسميه كذا وكذا ومو حاطط احتمال بنت بالمرة كأنه عامل سونار رحت كشفت في الشهر الثالث مابين والرابع كمان مابين لبين ماوصلت الشهر الساس حكتلي الدكتورة بنت فخبيت على زوجي واهلو لبين ماولدتها بنوتة مثل القمر سنة2013 شهر نوفمبر مافرحو بيها بس تقبلوها صار عمر بنتي سنة وشوي حملت مرة ثانية وهذي هي القصة يلي عملت عليها المنشور حملت وكان حملي بدون تخطيط كان وقتها عمري19وبنتي عمرها اقل من سنتين وترضع فاكتشفت اني حامل وكان الوحم صعب جدا وكان وقتها رمضان في الصيف وانا من منطقة صحراوية تعبت كثير وكان الوحم يختلف عن بنتي الاولى وقتها رحت لمستشفى حكومي حتى اعمل سونار في الشهر الثالث حكتلي الطبيبة ولد😍وانا وقتها طرت من الفرحة نسيت كل تعبي يااه رح اولد الولد يلي ناطرينو زوجي وكل اهلو رجعتلها في الشهر الرابع حتى اتأكد حكتلي مابين منيح شهرين وارجعي في الشهر السابع رحت لدكتورة اخرى وكانت لسا في بداياتها كمان في مستشفى عمومي حكتلي معك صبي وقتها خلاص تأكدت انه ولد ورحت خبرت اهل زوجي واهلي لأني ماحبيت اقول غير لما اتأكد وجهزنا كل شي بالأزرق والاسم كان رح يسميه زوجي انيس وحمايا اشترى خروفين حتي يذبحهم في طهور ابني انيس😍وكان اخر يوم للولادة على حساب الطبيبة5/2/2016 لكن انا ماولدت ابني رحت للمستشفى حكولي اصبري اسبوع وارجعي كان يوم12جمعة على ماأعتقد يوم13/02رحت لطبيبة مشهورة جدا وشاطرة بس كانت غالية يعني بنروح ليها في الحلات الحرجة شافتني وعملتلي تحفيز مه*بلي واعطتني ابر حتى يسببو الطلق وحكتلي اروح للمستشفى وان شالله فنفس اليوم رح اولد بنتي😳حكيتلها اي بنت انا فيني ولد حكتلي لا فيكي بنت وقتها ياأرض انشقي وابلعيني شو اقول لزوجي واهلو؟شو اساوي اشتريت الابر من الصيدلية وانا ساكته ماحكيت شي لزوجي ولما وصلت للمستشفى كان في ورقة من الطبيبة اعطيتها لهم وهما فهمو المطلوب والحالة وولدت بنتي بعد العشاء13/02/2016وبعد ماولدت بكيت كيف رح اخبر زوجي انها بنت لأنه سببلي عقدة نقص واتصل ورديت وكان يسأل عن انيس حكيتلو هي بنت وسكت بس ماعمل اي رد فعل ومابعرف شو حكا لأهلو لكن مازاروني لبين ماطلعت من المستشفى وماجابولي حتى شي أكله مثل باقي النسوان🥺 لهيك ماعاد تحكو شو عندكم لأي حدا من المقربين خلوه سر بينكم وبين طبيبتكم مابعرف ليش حبيت احكي تجربتي بس للعبرة لأن الحمد لله الله رزقني بولد2020وهلا حامل ومابيهمني ولد او بنت لأن التجربة يلي مريت بيها علمتني اتقبل عطايا الله لأنه اذا اعطى لحكمة لا يعلمها الي هو واذا منع فلحكمة .......واعتذر على الاطالة