قبل يوم 30/9 لاني كنت حامل كنت كتبر بحب اقرى واشوف تجارب الولاده خصوصا هون في الحاسبه ..فقلت رح اكتب تجربتي ومااتاخر بكتابتها مشان مانسى وفيدكون لاني انا كمان كنت متلكم .. طبعا انا من حوامل 10ديسمبر بس الحمل صار متاخر باسبوعين يعني كانه صارت بنهايه ديسمبر ..المهم انا ببدايه شهري كان رحمي فاتح 2سم بس مو لين بعدها باسبوعين بيوم 18/9 كان 2سم بس لين ..من يوم 27/9نزلت ماده لزجه صفراء اعتقد السداده وبعده صارت الافرازات الصفراء تنزرزل كتتيررر .المهم اليوم اللي بعدوا مشيت كتيييير مسافه 3كيلو ومشيت عالبحر ورملته .. كنت دايما امشي حتى ببيتي ولو عشر دقايق …طبعا من اسبوع كان يجيني متل التشنج والشد العضلي بفخدي من فوق وطعن ونغزات متل السكين مووولمه داخل المهبل ..امس مشيت في بيتي لمده ساعه تقريبا في ممر . يوم الولاده 30/9 فقت الصبح مافي شي بس تعب تقل ومفاصل من كتر المشي ..مع الظهر كنت حس بطلق خففييييف وماكنت مفكرته طلق ..بس صار يزيد شوي وكنت مع دلك مش متاكده انه طلق مع الساعه 4:41العصر حسيت انو الطلق صار اقوى واتصلت بزوجي ليجي عالبيت احتياط لاي شي ولحتى اتاكد انه طلق (كنت خايفه يكون كادب ويروح ) .مع الساعه 5:20 بعد متاكدت انه هدا طلق ومنتظم وبيروح ويجي وكل طلقه اقوى من اللي قبلها قلت لزوجي يلا نززل الشناتي ونروح المستشفى ..وصلت وعملت كشف وكان الرحم فاتح 6سم تبارك الرحمن وكان قوي وكنت ادعي وبدكر الله كتييير واقرى قران واتنففففففففس كويس (شمي ورده طفي شمعه) وماجلست ابدا الا للتخطيط تبع نبض الجنين والتلقاصات …وقت فقعوا كيس ميه الراس لقوها خضراء يعني البيبي متبرز وعلى طول حسيت بدي ادحم وطلع البيبي وولدت بنوتي عالساعه 6 مساء ..البنوته طلعت وماكانت تبكي من الميه الخضراء وراحوا بيها عملولها تنظيف واكسجين لحتى سمعت صراخها واطمنت والحمد لله الدي بنعمته تتم الصالحات ..ارتحت بس تعبت ومعي بواسير وطلق اللي بيجي بعد الولاده واخدت مسكن لارتحت المشي يابناااات والتمرررر كنت اكل حتى 15 تمره في اليوم كمل اللي عندي واوصي عتاني😆 وطبعا زيت الخروع في بدايه الشهر التاسع كنت اخدته شي اربع مرات على ايام منفصله ومايسوي شي والاناناس مخلصه اناناستين وماسوى شي. والله ييسرلكن ولاده طبيعيه سهله يارب