الحمدلله الذي بنعمته تتم الصالحات ولدت امس طفلي الثالث على اخر يوم بالأسبوع ٤٠ ولدت بطلق صناعي من بدايه الشهر التاسع وانا الرحم مفتوح ٢ونص ل٣ عندي طلق خفيف مو منتظم لما خلصت التاسع قررت الدكتوره انها تولدني ببطلق الصناعي لان الجنين كبر وصارت حركته قليله جدا دخلوني غرفه الولاده وانا الرحم مفتوح ٣ سانتي فتحوا مويه الجنين وبعدها اعطوني الطلق الصناعي خلال ساعه بدا الطلق يزود طبعا انا مو اول ولاده لي واعرف الطلق والدفع وكيف اتصرف وقت الطلق لكن انا من بدايه الشهر التاسع وانا في التطبيق اقرا تجارب الحريم واللي تعسرت ولادتها واللي مافتح الرحم واللي باخر لحظه تحولت عمليه وكنت مره شاده نفسي وحتى وقت الفحص اتالم اكثر من كل مره وهذي غلطتي ماكان المفروض اشغل نفسي بتجارب غيري لان كل وحده تجربتها لها وهذي نصيحه لكل البنات المقبلات على ولاده حاولي تسترخي ولاتشوفي تجارب غيرك خلك مع دكتورتك وخوذي النصايح منها مرت ولادتي خمس ساعات لكنها كانت طويله جدا علي ومؤلمه بسبب الشد لو كنت استرخيت وقت الطلق سويت طريقه التنفس كان الالم اقل علي ووقت الدفع الدفع المفروض يكون بعضلات البطن والظهر السفليه تمسكي اطراف السرير وترفعي راسك وتدفعين بعضلاتك كانك تسوين امساك وهذا الشي انا اعرفه من زمان لكن بسبب الشد والخوف اللي صار لي ماقدرت ادفع صح كنت ادفع بعضلاتي واصرخ بنفس الوقت وهذا الشي خطا يتسبب برفع البيبي فوق وماينزل بالحوض طبعا الدكتوره اللي ولدتني عطتني تهزيئه واني انا قاعده اضر البيبي ممكن يرتفع او ينكتم لاني اصرخ وحاولت قدر المستطاع اني استرخي لان مابقى الا اخر شي صبرت تسع شهور واخر شي اخرب على نفسي وطفلي بسبب الخوف ضغطت على نفسي وحاولت مع التعب اني ادفع بقوه وبكم مره الحمدلله تمت ولاده طفلي طبعا سوت لي شق صغير لان حجم البيبي كبير وخيطتني فنصيحتي لكل المقبلات على الولاده سكري اذنك عن تجارب غيرك خلك مع دكتورتك وخذي النصايح منها واذا دخلتي غرفه الولاده حطي في بالك ان الالم هذا مؤقت وبعدها راح تحضنين طفلك وراح يختفي كل هذا الالم وكانه لم يكن