منذ سنة
  • مرحلة الولادة
كيفكن يا حلوووووين😍❤ الظاهر الولادة قربت دعواااتكن🥺🤲🤲 تعو نفيد بعض شو بتاخدو بحقيبة البيبي ❤ وشو بتجهزو لألكن.🙃 عم ضل حاسة حالي ناسية شي 😂 جهزت حقيبة البيبي بقي تبعيتي رح بلش فيها هلأ🤲🤲🥰

5 تعليقات

العضوة: 1094723 , منذ سنة

اهلين حبيبتي انا جهزت شنطتي انا والبيبي على اول التاسع شنطتي حطيت فيها ملابس داخليه طبعا (اندرويرز- حمالات رضاعه- بروتيلات عدد ٢- جرابات) حطيت بيجامتين مريحات ستان بنفعو استقبل فيهم- روب دافي- لبس لطلعة المستشفى - شامبو وشور جيل وفوطتين صغيره وكبيره وفرشايه ومعجون اسنان واولويز الحجم الكبير- عطر ومعطر جو للغرفه- مكياجي حاطيتو بشنطة الميك اب- سشوار - نعال وانتو بكرامه.. اكياس فاضيه للملابس الوسخه. بالنسبه للبيبي: تبانات عدد ٤ - افرهولات عدد ٤ مع قبعة رأس لكل افرهول وكفوف للإيدين- لفاعات تقميط عدد ٢- حرام واحد دافي- وايبس وكم حبة بامبرز في حالة لو احتجت- لهايه لو ذكرت شي تاني بحكيلك..

العضوة: 1371726 , منذ سنة

هلا اذاولادتك طبيبعة وما رح تنامي اكثر من ليلة بالمشفى ف خدي داخليات الك وبيجامة مريحة وقميص نوم وحفاضات الك وللبيبي ما تكتري اغراض وللبيبي خذيله طقمين واحد لوقت بطلعوه من بطونك والثاني احتياط خدي كلينكس عادية ومبللة حرام للبيبي وداخليات انا عم احكيلك هيك لان جربت ووقت رحت ما بقو شي على جسدي كله شالوه ولبسوني روب المشفى وهي ليلة وحدة انا اللي نمتها بالمشفى و تاني يوم الصبح طلعت الحمد لله وانتي شو في ع حسب وضعك بتحطي اغراض انا بصراحة ما حطيت ميكب لان ما كانت محرزة وما رح اقدر اصلا اني اسوي ميكب وهيك والله واذا بقيت تذكرت شي مهم بقول لك 😶😶

العضوة: 1224842 , منذ سنة

شنطتي ~حطيت لبسين مريحين لي~ ~وغيارات داخليه خذي مقاس أكبر من اللي تلبسيه عشان ترتاحي~ ~بلوزه ثقيله عشان جو المستشفى برد~ ~شبشب اكرمك الله~ وواحد للحمام ~مكياج خفيف يعني روج _ مسكره _ كحل _ كريم مفتح للبشرة بدل كريم الاساس~ _ مزيل عرق اهم شيي ومشط خذي لك سناكات ما تعرفي ب اكل المستشفى اهم شي جوالك وشاحن جوالك🙂 فوطه صحيه خاصه للولادة ~عبايه~ ~صابون يد~ ~مرطب شفاه~ البيبي حطيت له ~٣ بربتوز خفيف واحد ثقيل~ ~حطيت له بدله اول ما يخرج وجنبها بدلتين~ ~منشفه ومادري يحتاجوه او لا~ ~٢ مقمط~ ~شرابات~ ~رضاعه مادري في لها فائده او لا 🙂~ ~بطانيه شويه ثقيل عشان اذ المستشفى برد واحده ثانيه اخف منها~ ~شامبو _ لوشن _ زيت اطفال _ فاين مبلل~ انا بكريه وما اعرف ب الضبط ايش المطلوب وايش لا بس هذي اغراضي اللي جهزته

العضوة: 1249306 , منذ سنة

@user-1094723 هههه سشوار والله دوختيني؟؟😅

العضوة: 1094723 , منذ سنة

مشان تنشفي شعرك حبيبتي وما تمرضي اكيد بتنشفي شعرك بشسوار بعد ما تتحممي سلامتك من الدوخه