منذ شهر
  • مرحلة الولادة
أهلا بنات .. أنا بكرية في الشهر التاسع الأسبوع ٣٧ وعندي سكر حمل وآخذ حبوب منظم للسكر والحمد لله منتظم وحجم الجنين والفحوصات كل شيء طبيعية اليوم قالوا لي لازم نولدك وبنعطيك تحريض احتياطا بسبب سكر الحمل حتى لو فحوصاتك سليمة ! صراحة خفت وقلت عطوني مهلة وعطوني أسبوع 🥹 مين صار لها نفس وضعي ؟ وهل الأفضل انتظر ولا أروح أولد ؟ لأن صراحة خوفوني ..

14 تعليقات

العضوة: 1613650 , منذ شهر

@user-1630874 اهلين لاتسوين تحريحض انتي بكريه غلط التحريض ربي يسرها لك

العضوة: 1630874 , منذ شهر

حتى لو عندي سكر حمل ؟؟

العضوة: 1724196 , منذ شهر

اي طبيعي لان معاج سكر حمل والحمد لله الجنين مكتمل النموا توكلي ع الله والله ييسر لج يارب

العضوة: 1630874 , منذ شهر

آمين .. شكرا لك

العضوة: 1700068 , منذ شهر

كل شي طبيعي ليش يولدونك اللي اعرفه يولدون اللي حجم جنينها كبير شوي عشان السكر و يخافون يكبر اكثر و تضطر للعمليه ف يسون لها تحريض جربي اسألي دكتوره ثانيه افضل لا تتسرعي

العضوة: 1681071 , منذ شهر

اسمعي كلام دكتوره ولاتسمعي كلام احد ثاني هم ادرى بمصلحتك ومصلحتك طفلك

العضوة: 1711717 , منذ شهر

@user-1630874 انا مااعرف ايش المفروض وايش الافضل ، بس الله يكتب لك اللي فيه الخير ويقومك انتِ وطفلك بالسلامه يارب 🤍

العضوة: 1052248 , منذ شهر

@user-1630874 انا صار معاي بحملي الاول زيك كنت بكريه ومهتمه جدا باكلي وشربي وكان وضعي تمام ومراقبه السكر ع اسبوع ٣٨ قالو لازم نسوي لك تحريض وطلق صناعي عشان نخاف من سكر الحمل وكنت خوافه واسمع كلامهم واخر شي تعسرت ولادتي وولدت قيصري وندمت ان سمعت كلامهم بس بعدين م تدرين خيره لنا الافضل تسمعين كلامهم لان دكاتره وهم ابخص بحملك

العضوة: 1630874 , منذ شهر

الله يجزاكم خير جميعا 🤍 الله يسهل وييسر وبإذن الله بتوكل على الله وربي يكتب لنا الخير وإياكم

العضوة: 1719504 , منذ شهر

جتك لين عندك 😩 كلنا نتمنى اذا دخلنا التاسع تجينا الدكتوره وتقول وضعك طبيعي بس بنولدك .. اقولك شي سبحان الله اختي ماعمر جاها الطلق طبيعي هم يحرضون لها ويولدونها طبيعي .. سبحان الله انا لارحت لهم احسهم يسلكون لي 😂 جيتها مره وانا طاقه روحي ثقلت خلاص كنت فالعاشر طقت روحي قلت ولديني خلاص قالت اليوم الدكتوره مهب فيه. تعالي بكره وقالت اول بكشف كم فاتح وكشفت ولاوالله حسيتها كنها توسع ماكن كشف طبيعي واضح حرضت لي . واطلع من عندها اصب دم كنه دوره اكرمكم الله ويمسكني مغص دوره واقعد يومين ماسكني طلق بارد غير منتظم وصابره خلاص ماعاد فيني حيل مابي اروح لهم ويبهذلوني قلت لااشتد رحت وثالث يوم ينتظم. واروح . السالفه ومافيها خذي الهرج من نفسي العاقله واستخيري الله وشاوري اميمتك وان ارتحتي روحي وان بغيتي العلم من نفسي المهروشه 😂 قولي تم تم تم 🏃‍♀️🏃‍♀️

العضوة: 1630874 , منذ شهر

@user-1719504 هههههههه الله يسعدك أنا كنت أتمنى أولد بدري وأفتك لكن صدموني فجأة كذا وحسيت مو مستعدة وتخوفت من التحريض حسيته شيء أشد من الطبيعي الله يسهل .. وأمي تبيني أولد قبل رمضان عشان ما تحتاس حوستين 😂💔 بإذن الله بنتظر أنهي المهلة اللي معطيني اياها وأقول لهم تم تم 😅

العضوة: 1719504 , منذ شهر

اي احسن لك .. هي نفسها الولاده زي بعض. بس اخذي ابرة الظهر. تريحك

العضوة: 1598707 , منذ شهر

التحريض مايخوف بإذن الله بالعكس تجيكي ولاده طبيعية و سريعه ان شاءالله وتولدي وترتاحي..

العضوة: 1606434 , منذ شهر

انا سكر حمل واخذ كلوفاج 750 صباح ومسا… ومع ذلك يرتفع اذا اكلت الاكل الممنوع او كثرت من صنف،عموماً قالولي راح نولدج ع الاسبوع 37-38، وسبحان الله في كل موعد الدكتوره تقول خذي وقتج، الامور تمام… وهكذا لين كملت الـ 38 ومخليني براحتي… تاركينها على الله طالما الامور باينه طبيعيه عندهم خصوصا الوزن… لكن نبهوني وحطوني في الصوره، انه فاي وقت هم شايفينه مناسب راح يسوون لي تحريض او طلق صناعي… عشان بس اكون في الصوره… مع ذلك ماسوو شي وتاركيني اخلص شهري طالما الامور تمام… ففي احتمالية ان دكتورتج حابه بس تحطج في الصوره، لكن لو الاوضاع تمام راح تستنى عليج ربي يرزقج بولادة طبعييه بدون تدخل وقبل مايكبر الحمل… اللي يخوفهم من اللي عندها سكر على كلام دكتورة السكر اللي اتابع وياها، ان كل ماتكبر المشيمة كل ماتخلي جسم اللي عندها سكر الحمل، مايحرق السكر وتسبب عملقة للجنين او وزن كبير يمنع الطفل من الولاده الطبيعيه وبمضاعفات وبعد يعرض الطفل لمرض السكر اكثر عن الطفل الطبيعي والعياذ بالله، الله يحفظ اجنتنا ويكبرون بصحه وعافيه… وقالت ان اللي عندها سكر حمل معرضه لتكلس المشيمه، اللي فهمته ان المشيمة تبطل تشتغل، قبل حتى ماتولدين… (يعني كل ماكبر الحمل او وصلتي للاخر كل ماكانت مخاطر سكر الحمل تهدد الجنين) سواء ولاده طبعييه بدون تدخل او بتدخل، الله يهونها علينا عشان والله انا بعد خايفه ومرعوبه من داخلي… الله يقوينا 😞