العضوة: 2002998 , 2 hours ago

ياهلا حبيبتي ولدت بتركيا ثلاث مرات مرتين بعنتاب ومرة ببورصة بمقاطعة اينغول ومافي هالحكي نهائي ولا رجال مابيدخل ولا بشلحوكي غير من تحت عشان الولادة طبعا والدكتور بيدخل بحالة وحدة اذا صار في خطر وصار لازمك عملية هون بيدخل الدكتور فقط اما غير هيك مافي من هالحكي ابدا مافي غير ممرضات ومستخدمات وقابلات الولادة وربي ييسر امرك ويقومك بالسلامة

العضوة: 1960643 , 2 hours ago

ما بعرف بس بظن هيك النظام موحد أنا بغير ولاية دنيزلي و هيك كمان بس الكادر كلو نسوان

العضوة: 1207960 , 2 hours ago

@user-2002998 يسلمو ع ردك حبيبتي والله مابعرف حكي اختي كتير خوفني قلت معقول يعني

العضوة: 1207960 , 2 hours ago

@user-1960643 هلق لو الكادر كلو نسوان عادي ما اختلفنا . بس والله رجال طالع ورجال فايت وانتي بلا غطا

العضوة: 1914601 , 2 hours ago

اذا باسطنبول نعم هالحكي صحيح للأسف...طالما رح تولدي بمشفى من مشافي الدولة .. يعني مو خاص .. بشلحوكي كلشي ودكتور طالع ودكتور فايت انا هيك صار معي وهالحكي ماصرلو كم شهر والي ولدني بالاخير دكتور كمان يعني مابعرف كم دكتور كان فيه يومها حتى😪 طبعا الزوج مابحقلو يرفض ولا يحكي بهيك موضوع مجرد ما تتحولي عالعاجل ويقيمو حالتك ولادة بلبسوكي وبياخدوكي وممنوع حدا يدخل معك وممنوع الجوال لتطلعي عالغرفة يعني لينقلوكي بعد الولادة ع الغرفة برا القسم اما جوا القسم مابشوفك لبعد ما تولدي ومسموح دقيقتين اذا ولادتك طولت يجيبلك اكل فيها بس .. وانا من كبر حظي يومها ولدت متأخرة ومافي غرف لتاني يوم لنقلوني عالغرفة يعني نمت بقسم الولادة ولا جوال ولا شي ويادوب شفتو دقيقتين لزوجي 💔

العضوة: 1207960 , 2 hours ago

@user-1914601 حسبي الله ونعم الوكيل يعني الوحدة فوق ما تاكل هم الطلق والالم بدا تاكل هم زيادة

العضوة: 1914601 , 1 hour ago

@user-1207960 هالحكي بمشفى سليمان القانوني بباشاك شهير مابنصح فيه واذا رجعت ولدت هون مارح اولد فيه ولدوني تحريض بدون سبب لازم وكان مامبلش الطلق حتى لمجرد قال طولها موقف يعني لازم تولدي رغم انو وزنها كان اسا عم يزيد واجت طولها ٥٢ ماشالله منيح يعني عذاب موطبيعي مابنسى هاليوم ..بقولو والمعروف شام ساكورا احسن شي باسطنبول وبطالعوكي ع غرفة وحدك وبقولو منيحة معاملتن ..حسب مكانك سألي كتير منيح ع مشفى يكون منيح اذا حواليكي سوريين مجربين مشافي معينة قريبة عليكي .. بس موضوع الدكتور بمشافي الدولة باسطنبول واحد اذا ما خاص الدكتور بيدخل وبيفحص كل انواع الفحوصات وبولد كمان عندن🥲 والتحريض ماتقبلي نهائي عندن كتير دارج هاد الموضوع وبعذبو فيه ..

العضوة: 1207960 , 1 hour ago

@user-1914601 بعرف شام ساكورا كتير كويسة .بس بعيدة علي كتير اكتر من ساعة ونص في مشفي جنبي كنا ناخد بنتي عليها . بنتي مريضة اجت بكير ومعها امراض.وكتير نامت بنتي بهالمشفى حكومي.وماعندن والله سوري تركي كلن نفس الشي معاملتن كتير كويسة كانت معنا ايام ناخد بنتي بس نظامن بالولادة ما اعرف شلون ومافي غير هالمشفى قريبة اروح عليها ان شاء الله تكون كويسة

العضوة: 2243843 , 1 hour ago

جربتو سمعتو بحدا ولد قيصرية بعد وقوف تامين صحي خصوصا بلقانوني

العضوة: 1914601 , 1 hour ago

النظام بالولادة متشابه بكل مشافي اسطنبول تقريبا مع شوية اختلافات وهي حسب الحظ والتيسير من رب العالمين ..ممكن تولدي بسرعة نشالله وماتتعذبي انت بحال اجاكي طلق انتظري ماتروحي فورا مشان ما يزودو تدخلات طبية بلا داعي ونشالله ميسرة..اذا بتعرفيه مشفى منيح خليكي فيه خاصة اذا فاحصة عند اطباء النسائية فيه وبتعرفي القسم عندن كيف لأن كل قسم اطباءه شكل... وقسم الولادة اطباءه لحال بكل المشافي غالبا ف نشالله تتوفقي بأطباء رحيمين ونشالله بتقومي بخير وسلامة

العضوة: 1207960 , 1 hour ago

@user-2243843 روحي مادام التامين الصحي وقف .ح تدفعي رسوم العملية كلها . مابعرف بس هيك بقولو.

العضوة: 1207960 , 1 hour ago

@user-1914601 ان شاء الله يارب ولادتي شي اسبوع او اسبوعين وكتير اكلة هم اكتر من الولادة نفسها😂

العضوة: 1914601 , 1 hour ago

@user-2243843 وقت ولادتي كانت واقفة السيكورتا من شهرين رغم هيك ما اخدو منا مابعرف ليش بس ولادتي كانت طبيعية 🤷‍♀️ اذا عندكن سيكورتا حاولو تفعلوها قبل ولادتك لأن من جديد عم ياخدو عكلشي غالبا

العضوة: 1207960 , 1 hour ago

@user-1914601 سمعت بقولو في مشافي عم ياخدو مصاري ومشافي ما عم ياخدوا حتى في سيكورتا بقلي جوزي هلق بدنا نختصر شوي بالمصروف .بلكي اخدو مننا 😂 بقا ما بعرف

العضوة: 1914601 , 1 hour ago

@user-1207960 غالبا بياخدو يعني ما تجازفو الطبيعي عندن كان ب بين ال٢٢ لل ٣٨ بالمشافي الحكومية والقيصرية اقل بالحكومي اذا مافي سيكورتا بياخدو انا ممكن لأن كان موقفتا حديث ما اخدو ف حاولي تفعلوها لو قبل الولادة بشوي وبترجعو بتوقفوها