‏اللي فاضية تقرأ قصتي تقول لي رايها المهم أنا متزوجة رجل مطلق من قبل عنده بنتين صغار واحدة عمرها خمس سنوات واحدة أربع سنوات أنا اسكن في مدينتين مختلفان عندي بيت في المدينة الرئيسي اللي أنا اسكن فيها معاه وعندي شقة ثانية كمان في مدينة أخرى بس أنها إيجار بس الشقة الأولى هذيك هي الشقة الرئيسية فهمتوا إذا احنا طلعنا من البيت ما يقفل الباب يخلي أمه ساكنة تحتنا خلي الباب مفتوح باب شقتي مفتوح عذره يقول أنا ما أبغى أحرم بناتي من بيت ابوهم وهم صغار يعني ينامون هم عند جدتهم مو كل الأسبوع في أيام يعني أيام معدودة يومين ينامون عند جدتهم والباقي عند امهم لما يكونو عند جدتهم ويطلعون بيتي ويلعبون فيه وكل أطفال العائله تلعب فيه يعني بيتي مفتوح لهم 24 ساعة إذا جو وما في رقابة على بيتي وأم زوجي كل ما ناقصها شي راحت لبيتي وأخذت من المونة اللي في البيت مثل أندومي ملح مدري ايش وترسل بناتها المتزوجات يدخلون بيتي ويشوفون ايش فيه المهم أنا كان هذا الشيء مزعجني ودائما اتكلم فيهوا تهاوش مع زوجي عشان أنا ما ينفع أخلي بيت باب بيتي مفتوح إذا أنا وانت سافرنا لازم الباب يكون مسكر هو رافض هذا الشيء رفض تام يقول لي بناتي لازم يلعبون في البيت وأنا ما أبي أحرمهم أطفال يعني خمس سنوات والثانية أربعة يعني ايش ممكن يسوون في البيت المهم بعدين قلت له أنا صبرت عليك تقريبا سنة كاملة نفس الوضع بعدين قلت له آخر مرة أنا زعلت ت معاه ورحت رحت من بيتي ورحت بيت أهلي وبعدها كذا سافرنا على طول المنطقة الثانية لكن رجعت البيت ولقيت هم مرة حوسة بعد ما رجعت البيت قصدي لقيته مرة حوسة وكذا ساير وسخ معدوم وقرف ورفضت إني أنظفه وأنا قاعدة الآن لي ثلاثة أو أربع أيام بدون ما أحرك شيء والغبار بكل البيت كله وساخة لأن أنا حسيت انه ما في تقدير وطبعا بيتي مرة كبير ما شاء الله يعني وقلت مدام إني أنا مالي سلطة أو كلمة في هذا البيت فأنا مالي شغل فيه خل أحد غيري ينظفون لك امك إخواتك أي احد بناتك إذا كبروا ينظفون اوكي أنا مالي شغل أمانة ايش رأيكم في تصرفي وهل أنتو ترضون هذا الشي وكيف تتصرفون وهل في اختلاف من تصرفي ‏زي ما تقولوا انسدت نفسي عن البيت فسرت ما احس بيتي هذا الشعور اللي وصلني انه هذا مو بيتي انه مهما سويته وكنت يعني اجتهد وأنظفه دورين يعني فكنت أنظف لحالي يعني بدون خادمة بدون أي شيء يعني كنت أهلك نفسي عشان أخليه 24 ساعة نظيف وطول الوقت أكون شاده حيلي وآخر شي يعني ما يقدر تعبي يعني كأني خادمة صراحة حسيت نفسي بس موجودة للخدمة والآن زوجي صار يعلق علي يقول ايوه ايوه بيت اهلك تهتمي فيه وبيتي لا ومدري ايش ‏المهم هذا الموضوع راح احذفه بس أفضفض له يعني