تعالي اخمن لك ايش جنس جنينك باذن الله حتى لو انتي بالشهر الاول

تعالي اخمن لك ايش جنس جنينك باذن الله حتى لو انتي بالشهر الاول 7amal /templates/dist/assets/img/logo.png
السلام عليكم و رحمة الله بركاته🕊


في البدايه ملاحظه
لا تتعلقوووون بأي تخمين لانه بالنهايه هو محرد تخمين
ثانياً لاحظت انو في بنات ما تعلمني بعلامات حمل معينه وتقول علامات اخرى معينه عشان تبغاني اقول لها جنس جنينها اللي هي ودها فيه !!! فرجاء يابنات لابد من الصراححححه عشان يكون التخمين اقرب
ثالثاً ما رح ارد على اي وحده تقسم ردها لاقسام يعني كل شويه تنزل رد ثاني
يعني نست جزء و بتكمل لي
(((((( مااااااا رح ينرد على مثل هالردود ))))))
هالاسلوب يشتت تركيزي و يأخرني عنكم و عن غيركم
اذا نسيتي شي ما كتبتيه
احذفي ردك و اكتبيه كامل مره ثانيه

و رجااااء ايضاً
لا تكررون ردكم اكثر من مره
ما رح ينرد عليك قبل اللي ارسلوا قبلك حتى لو كررتي ردك مليار مره
نزلي رد مره وحده يكفي و انا امشي بالدور لا تخافوا


والآن لازم تعرفوا ان هناك علامات مهمه جداً و (قويه)
وهناك علامات اقل اهميه تعتبر (ثانويه) يعني تحتاج ندعمها بالكثير من العلامات (القويه) حتى نتأكد منها

العلامات القويه هي


✅الحلم
✅خط تحليل الحمل اذا استخدمتيه في الوقت المناسب
✅زيادة الوزن في الورك
✅النعاس الزائد عن الحد
✅العصبيه الزائده عن الحد
✅شكل كيس الحمل في بداية الشهر الثاني لما يكون الجنين نقطه او حتى لسى ما بان الجنين
✅شكل البطن ( ما شاء الله انا اميز جنس جنين الحوامل اللي اشوفهم بالسوق من شكل بطونهم حوامل البنات واضحات اكثر)
✅الزياده الكبيره جداً في الصدر
✅المشيه سريعه ونشيطه او مشية ثقيله ومشية حوامل
✅قوة الوحام / و ينقطع او مستمر
✅البرودة الواضحه في الاقدام
✅توقيت بدء حركة الجنين و كيفية حركة الجنين و كثرة الحركه او قلتها
✅طول شعر البطن اذا كان اطول من الطول الطبيعي
✅النعومة الزائده للبشره
هذه هي العلامات القويه


اما العلامات الثانويه
فهي
✅كثرة او قلة الافرازات الله يكرمكم
✅لون البول الله يكرمكم
✅الدوخه الكثيره
✅الوحام يكون اوضح في المساء او في الصباح
✅الخمول الزائد عن حده
✅الراحه اكثر عند النوم تكون على الجنب اليمين او الجنب اليسار
✅تغير الملامح للاحسن او تعبها او بقاءها كما هي
✅قوة الاظافر او ضعفها
✅كثرة شعر الراس بشكل زائد و غير طبيعي
✅ في السونار من الشهر الرابع و فوق الجنين غالباً نايم على ظهره او على بطنه



و رجاء 🚫لا تحطون صور سونار 🚫لاني ما عندي خبره فيها

باختصار الموضوع هو 👏🏻اعطوني فقط علامات حملكم و ايش لاحظتوا في كل شي بدقه متناهيه✨👌🏼

مثلاً

ايش اللي شكك انك حامل من البدايه
حتى لو حلم اذكريه
واذا عملتي اختبار الحمل (بعد) الدوره بيوم او يومين اوثلاث قولي كيف كان وضوح الخط غامق او فاتح
كل شي يجي ببالك ذكرته او ما ذكرته
كيف شكل كيس الحمل بالثلاث الشهور الاولى طولي او مدور
بطنك صغيره والا اكبر من شهرها؟
بطنك تكبر و تشد السره؟ والا تكبر وتشد الجوانب؟
حجم الصدر زاد كثير؟
وزنك زاد بشكل واضح خاصه بالورك؟
حركتك ثقيله او خفيفه!
وحامك متى بدأ و قوي وثقيل والا عادي يوقف ايام و يرجع والا مستمر! و كرهتي الحلويات حبيتي اللحم والا ما كرهتي شي وحبيتي الاكلات الثقيله الدسمه وشهيتك كانت مفتوحه رغم الغثيان والا مافيه شهيه
كمية الافراز اكرمكم الله كثير او اقل من قبل الحمل
لون البول اكرمكم الله غامق مايل للبرتقالي او فاتح حتى في الصباح
اطرافك بارده او دافيه خاصه اصابع الاقدام
دوخات عاديه و قليله جداً او دوخات شديده و كثيره
نومك زايد والا طبيعي
عندك خمول والا طبيعي
الحركه للجنين بدري والا متأخر !! وكيف كانت رفرفه رفس وبكسات والا فقاعه و سباحه في مكانه
شكلك تغير للاحسن للاسوء والا نفسه
خدودك موره ؟ يقولون لك الناس محلوه! الانف كبر ؟ الوجه تعبان جداً في بداية الشهور الاولى؟
شعر البطن لما تشيليه يرجع بسرعه طويل اكثر من قبل او يرجع ببطئ و يكون قصير لا ينمو جيداً
شعر راسك كثر جداً !! اكثر من قبل الحمل بكثير والا كثر بشكل طبيعي
اظافرك ضعيفه او قويه تنموببطئ او تنمو بسرعه
بشرة جسمك ناعمه اكثر من العاده؟؟ او خشنه و غير صحيه؟
و للي في الشهور الاخيره هذا السؤال لهم
البطن يتشقق من تحت السره ومن الاجناب او فقط يتشقق من الاجناب ( علامات التمدد)


💛
وانا باحزر وش جنس جنينك
و رجاء زي ما اتعب بتحديد التخمين اتمنى ترجعون تعلموني تخميني كان صح او خطأ
تفاعلوا حبايبي خلونا ننبسط ونغير جو😉🌺
حتى اللي قد عرفت جنس جنينها قولي وش حسيتي ولا تعلميني وش قالوا لك الجنس وخليني احزر 👧🏻 أو 👦🏻






يللا
بنات
انطلقوااااا🏁