صبايا يا ريت إذا وحدة بتعرف بالاحلام تتكرم علي بالتفسير و الها الثواب عند رب العالمين و الدعاء مني فقت بالليل من كابوس كنت عم اصرخ و ابكي و عيط و ما يطلع صوتي كان كابوس مزعج كتير كان فيه والدي المتوفي و امي الله يحفظها و ما عم يرضوا يخلوني اكل من طنجرة معينة فيها ملوخية و أنا كتير اكل منها باختصار هيك الحلم بلا تفاصيل و فقت كنت نايمة ع ضهري و ضهري و ايدي واجعينني بعد شوي لاحظت زوجي جنبي عم يكوبس كأنو و يختنق فيقتو و شربتو مي و هاد منامو: كنت عم بسوق السيارة و علقانة خفافتي تحت دعاسة البنزين عم حاول سوق و ادعس والسيارة وقفت إلا شوي و عم حاول اسحب الخفافة من تحت ماعم بصل وماعم تطلع عصيانة كنت خايف كتير كتير حدا يخبطنا من ورا لأنه كنا على الطريق السريع هون فيقتيني أنتي