جارتي بناات انا تعرفت على جاره من 5 سنوات الحمد لله علاقتنا كويسه اروح لها وتجيني بس ي بناات انا من تعرفت عليها انقلبت حياتي م ادري اذا هي السبب م ابغى احطها بذمتي بس حرفيااااا شي مو معقول كنت اسافر انا وهي مع ازواجنا عشان شغل زوجي وزوجها مع بعض يشتغلو المهم انا زوجي بالعاده مره يخاف عليا ويحب يتطمن علي كل شوي يعني احنا كذا متعودين عادي يمسك يدي وكذا يعني مهتم لي. هي قالت عني مره دلوعه هي زوجها م يسوي كذا طول السفره جدا عادي بس هي مركزه معنا المهم تجلس تقول لي انو بيتي واصل نظيف نيالي ولا دقت وقلت مشغوله تقول بيتك نظيف م يحتاج تنظفيه كمان تقول ليه انا واصل مرتبه وعامله ميكب انا حياتي كذا عادي احب اعمل ميكب اغلب الوقت بيتي نظيف بخور كل وقت حسيتها مو عاجبها كانت تجيني للبيت بدون م تستاذن او تجي بأوقات مره غلط وقت اكون دوبني صحيت بس ودها تشوف وساختي وتنصدم انو كله نظيف كانت تسألني كيف انتي مهتمه بصلاتك مره ي بنات مدققه بحياتي مره حتى اولادي كانت تقول ليه م تضربيهم عشان يتعلمون طيب كيف اضربهم وهما م سوو شي غلط حرفيا اولادي هادئين جو ليا ولابوهم والله ي بنات بعدها كل شي انقلب انا كرهت الاهتمام بنفسي حتى كريم ترطيب م احط لو حطيت اروح اغسله م يتحمله جسمي صلاتي صرت اخرها اذكاري اهملتها قيام ليل م عاد قمت زوجي لو هو ف البيت احس بضيقه وتعب لو طلع احس بالنشاط اولادي صارو مشاغبين درجه اولى بيتي كرهته م عاد ابغى انظفه او انظف شوي غصب وما عاد اقدر اتعب ااخ بس انقلبت حياتي م ادري هي السبب او شي ثاني شسوي اذا كانت عين او حسد هل اروح لشيخ او ايش لان حرفيا م عدت اقدر اتحمل وكل يوم اقول لزوجي خلاص ننفصل من رغم انو مافي شي يخلينا ننفصل بس مو مرتاحه ابد ابد