عندي 3 الايام ملي رحت لطبيبة سمعت نبض و كلش قاتلي كلش مليح راني فالأسبوع ثامن لبارح فليل نورمال دخلت لتوالات و خرجت بدلت حوايجي لقيت دم يهبط عليا دم أحمر مزال حتا لدوك خف عليا شوي ولا دم بني مكثف ليوم طيبة ماتخدمش كيفاش ندير ماعندي حتا سطر ابار في ظهري شوي برك كيفاش ندير طمنوني راني نرجف من خلعة
العضوة: 2070019 , منذ 5 ساعات
متخافيش مام انا صرالي هكا والحمد لله دوكا مي لازم تشوف طبيبة ولازم تاني راحة بلاك تعبتيالعضوة: 2088428 , منذ 5 ساعات
@user-2070019 طبة الجمعة ليوم مغلوقين كامل واش قاتلك كي رحتي لطبية يعيشكالعضوة: 2070019 , منذ 4 ساعات
حتى انا صراتلي بالجمعة رحت على مستشفى حكومي عطاوني مثبتات الحمل و قالولي لازم راحة تامةالعضوة: 2088428 , منذ 4 ساعات
@user-2070019 نروح لسبيطار يعيشك؟العضوة: 2070019 , منذ 4 ساعات
@user-2088428 وي لازم انتي جزائرية ؟العضوة: 2088428 , منذ 4 ساعات
@user-2070019 ايه دزيريةالعضوة: 2100629 , منذ 4 ساعات
ان شاء الله تكون امورك بخير وتمم حملك 🤲العضوة: 2070019 , منذ 4 ساعات
ايه روحي لسبيطار مالا واش راكي تستناي انا مدولي دوفاستون وسباسفونالعضوة: 2102717 , منذ 4 ساعات
روحي لماترنيتي فيه طبا ولايكو لاه تستناي لغدوا ربي يطمن بالك بصح دم مش مليحالعضوة: 2070019 , منذ 4 ساعات
@user-2102717 والله انا صرالي كيما هيا و بالجمعة حتى قطعت لياس قلت باينة البيبي طاح بصح الحمد لله ربي كتبلو عمر وانا صراتلي ليموغاجيت قاوية حتى وليت نبكي مع العمل كنت طرحت قبل هذا الحمل بشهرينالعضوة: 2102717 , منذ 4 ساعات
@user-2070019 لحمدلله ربي سترك بصح مش قاع لحالات نفسها تختلف من مراءة لمراءة مي مادام هبط عليها دم تروح لماترنيتي راه يخدم طول وفيها طباالعضوة: 2070019 , منذ 4 ساعات
@user-2102717 وي الحمد لله وربي يحفظلها البيبي تاعها ان شاء اللهالعضوة: 2092736 , منذ 4 ساعات
خصك ابر مثبتة احسن من ادوية. انا سال عليا بني وشفت طبيب بعد يومين ومدلي ابر وخوفني قلي بلاك بطيحي 🫣. ومنين مكانش طبيبي خفت مشريتهمش. حتى بعد يومين اخرين باش رجعت لطبيبتي وعاودت مدتلي ابر. ودرتهم وحبس الدم. والحمد لله اني بإبني دوكا. متقلقيش برك. وربي يثبت حملك.